- PAMELA -
TINAWAGAN ko si Brent para icancel ang dinner namin ngayong gabi. Kailangan ko pa kasing pagsilbihan si Mr. Sungit ng last supper, I mean dinner niya. Matapos kong makausap si Brent ay binalikan ko ang niluluto ko. Tinikman ko iyon.
“Hmm, masarap.”
Alam kong palpak ako pagdating sa mga gawaing bahay pero ipinagmamalaki kong masarap akong magluto. Natutunan kong mag luto noong tumira ako sa America. Doon kasi ay hindi uso ang katulong lalo na sa katulad ko na kailangan magtipid at hindi pwede ang buhay señorita katulad sa buhay ko noon sa bahay ng mga magulang ko halos lahat ay nakaasa sa mga katulong.
"s**t, nakakapagod pala maging kasambahay," turan ko. Pasalampak akong naupo sa sofa habang naghihikab. Mamaya na ako magbibihis mukhang matagal pa naman umuwi si Mr. Sungit.
