THIRD PERSON POV
Dahan-dahang lumabas ng cottage na inookupa nilang dalawa ng kanyang kasintahan si Betsy. Hindi niya gustong makalikha ng ingay para hindi magising ang natutulog na boyfriend na si Orly.
Kanina pa mahimbing ang tulog ng lalaki samantalang si Betsy ay hindi man lamang dalawin ng antok sa kung anong kadahilanan.
Iniisip niya na marahil sa nararamdaman niyang ngitngit kaya kahit ipikit niya ang kanyang mga mata ay nananatili pa ring bukas ang kanyang diwa. Alam niya sa kanyang sarili na selos ang dahilan ng hindi magandang pakiramdam na iyon.
Nagseselos siya kay Rochelle na dating kasintahan ng kanyang boyfriend.
Nang makalabas ng cottage ay nagsimulang maglakad si Betsy patungong dalampasigan. May iilang tao pa rin siyang nakikita sa paligid ng beach resort kahit dis-or
