Mika's P.O.V.
Umaga na at nakatulala lang kaming tatlo ngayon dito sa loob ng classroom. Masyadong tahimik dito sa loob at pakiramdam ko ay mabibingi na ako sa katahimikan. Tinignan ko si Yohan na ayos na ang pakiramdam at tahimik na kumakain ng tinapay sa gilid habang si Ryan naman ay nasa sulok lang din, tahimik na kinakain ang tinapay nya habang nakatingin sa paahan nya.
Napabuntong hininga na lang ako at kumagat sa tinapay ko. Kagabi pa silang dalawa na walang imik. Kagabi pa sila di nagsasalita o nag-uusap man lang.
Sumilip ako sa bintana at naramdaman ko ang di pa gaanong mainit na sinag ng araw sa aking mukha. Napangiti ako habang nakatingin sa mga ibon sa labas na malayang nakakalipad sa malawak na langit. Nagpapasalamat padin ako sa Diyos dahil buhay pa rin ako ngayon at buha
