Chapter 20
Pagkalabas ni Monina sa hospital diretso na silang umuwi sa sariling tahanan, hindi siya nag-abalang magpaalam kay Tita Lourdes dahil ayaw niyang makarating pa ito kay Lourd na nasa hotel pa rin. Limang araw ito roon mamamalagi dahil sa reunion ng mga magpipinsan.
“Sigurado ka na ba sa gagawin mo, anak?” may pag-aalalang tanong ng kanyang nanay.
“Opo! Kayo na lang po ang magpaalam ng personal kay Tita Lourdes baka po hindi ako makapagsinungaling sa kanya,” saad niya habang nag-aayos ng ibang gamit. Inutusan niya ang ina na bumalik sa bahay ni Lourd upang makapagpaalam ito ng maayos kay Tita Lourdes. Nakokonsensya kasi siya na basta na lang silang umalis ng walang paalam. Ibinilin niya sa ina kung sakaling magtanong ito ay sabihin lang na kinailangan niya nang bumalik sa hot
