( صدمه اسد )

البارت الثاني

اتمنى يكون البارت التانى عجبكو

( صدمه اسد ) البارت الثانى

بقلم ✍️ ملك فريد لطفى ??

ايه انتى بتقولى ايه مستحيل اسد يتجوز واحده غيرى حرام عاليكى عايزه تبعديه عنى ليه عنى كلام طنط نزل عاليا كالصاعقة وحسيت أن الدنيا كلها اسودت فى وشى وفوقت على كلامها

هيام / بقولك انا عندى السرطان ممكن اموت فى اى لحظه انا عايزه اشوف احفادى وبعدين انا كلمت اسد وهو هيتجوزها

شمس بانهيار/ لاء مستحيل اسد يوافق اسد بيحبنى انا مستحيل ?لقيت اسد واقف على باب الشقه جريت عاليه كنت مستنيه يقولى أنو هيفضل معايا مش هيسبنى بس للاسف رد فعله صدمى

شمس / اسد ساكت ليه اتكلم انت فعلا هتسيبنى وهتجوز واحده تانيه ارجوك اتكلم حرام عاليك

اسد بحزن من جواه / ايوه ياشمس هتجوز كله علشان ماما انا خايف عاليها حققلها حلمها وخائف انها تموت بسببى لو عايزه تكملى معايا دى حاجه ترجعلك ولو مش عايزه خلاص ورقه طلاقك هتوصل لحد عندك .

كلامه نزل عاليا كالصاعقة عمرى مااتخيلت انو هيكون كده كلامه واجعنى اووى حسيت انى تايها مش عارفه اعمل ايه .

شمس / بسهوله ديه هطلقنى يا اسد

اسد / انا اسف

شمس / مش قادره اقبل اسفك

جريت على اوضتى وانهارت من العياط اتصلت مكنتش محتاجه اكلم حد كان نفسى بابا وماما يكونو جمبى اى حد يوجهنى اعمل ايه بس هما مشيو ومكنش قدامى حد غير أن اتصل بسهيله حتى تخفف النار الى جوايا ووجع قلبى وانا متاكده أنها مستحيل تهدى كلمت سهيله

سهيله / الوو ياشمس

شمس / الو مقدرش

مقدرش اعبر عن إلى جوايا غير أن اعيط وبس

سهيله/ بلله عاليكى اتكلمى بتعيطى ليه طب طب ونبى متعيطى علشان خطرى طب مين إلى مزعلك طب قوليلى مين إلى مزعلك وانا هاجى ا**ر دماغو مش بترودى ليه

شمس / اسد هيطلقنى

سهيله / انتى بتقولى ايه ليه حصل ايه

شمس / اصل انا مش بخلف ومامته عندها السرطان وعايزه أحفاد ليها وانا مش هقدر احققله ده

سهيله / لا حول ولا قوه الا بالله كل شئ قسم ونصيب صدقينى ربنا هيعوضك صدقينى عوض ربنا كبير

شمس / انا خلاص انتهيت ده قالى ورقه طلاقك هتوصلك بكره هونت عاليه هانت عاليه عشره السنين الى عشنها مع بعض

سهيله / قدر الله وماشاء فعل تعالى اقعدى معايا لحد متوصلك ورقه الطلاق انتى عارفه انا كده كده انا وماما بس آلى قعدين فى البيت وماما بتحبك اووى من كتر كلامى عليكى

شمس / حاضر اخد ورقه طلاقى ومش هيشوف وشى تانى

سهيله/ ربنا يقويكى ويصبر قلبك مستنياكى

شمس / سلام

سهيله / سلام

بعد ما قفلت مع سهيله برضو مهديتش وفضلت اعيط اكتر وادعى ربنا إن. اكون فى كبوس وافوق منه فضلت ادعى وقول يارب خليك واقف جمبى يارب فضلت قاعده فى الأوضاع مخرجتش منها وفضلت قاعده على السرير ومسكه البومات الصور وافتكر كل حاجه وكل ما اشوف صوره بتعبر عن حبنا لبعض اعيط اكتر لحد مانمت من كتر العياط .

ومحستش بحاجه خالص غير وأسد بيصحينى بيقولى ورقه طلاقك اهى .

لدرجاتى يا اسد انا مش فارقه معاك.

روحت لميت هدومى وحطتها فى الشنطه

اسد / راحه فين

شمس / ديه حاجه متخصكش انت طلقتنى يبقى انا دلوقت مبقتش ملزومه منك ولابقى ليك كلمه عاليا وصدقنى انت مش هنشوف وشى تانى .

كلام شمس نزل على اسد زى الصاعقه اسد مكنش متخيل أنها تقوله كده او قلبها ميحبوش ويكون مليون كره ليه كان على طول مليان حب لكن دلوقت بقى راضى تماما

اسد بحزن / خاليكى فى الشقه ديه يا شمس

شمس بعصبيه / مش عايزه حاجه منك سبنى امشى الله يسامحك على **ره قلبى ديه مكنتش متخيله انك تطلقنى فى يوم من الأيام يلا ربنا يفرحك مع مراتك الجديده بتمنالكوا السعاده .

كانت كل كلمه شمس بتقولها بتدخل فى قلب اسد زى السهم كل كلمه شمس بتقولها كانت بتوجع اسد

شمس لو سمحت عدينى .

اسد / طب اعرف حتى هتروحى فين

شمس / قولتلك ابعد عنى كفايه لحد كده انا عرفت اني كنت مخدوعه فيك وكان كل حاجه بينا كانت تمثيل مع اول أختبار سقط فيه عندك ايه تاني تقوله كفايه كده انا مبقتش طايقه ابص فى وشك ولا بقيت عايزه اشوفك اصلا انت كنت ليا الامان دلوقت عايزه امشى من قدامك لا تؤذينى اكتر من كده لو سمحت سبنى امشى بليييز

اسد بيئس / اتفضلى

اول مااديت ظهرى لى اسد انهرت من العياط كنت بشوف ناس بتطلق وبتتعب وكنت بزعل علشانهم اووى كنت ساعات اقول ليه الافوره ديه بكره يجيلهم سيد سيده مجاش فى دماغى لو للحظه أن ممكن اتحط مكانهم فعلا حسيت بنفس إحساسهم

فضلت اتمشى الان حسيت بى خناقه كنت محتاجه اشم شويه هواه لحد ما وصلت عند سهيله جريت عاليها اترميت فى حضنها بااااااااس

اتمنى تكون البارت يكون عجبكم وعايزه تعليقات وتفاعل واهم حاجه رايكم ❤️❤️??اتمنالكم السعاده والتوفيق