NAGING madalas na magkasama sila Sayon at Noah ng mga sumunod na araw at linggo. Kapag weekend lalo kapag Sabado ay sa bahay niya nanananghalian ang binata kung wala rin naman itong lakad. Apat beses na rin siyang nakabalik sa bar nito kasama sina Aira at Jacob. Dalawa rito ay kasama niya ang magkasintahan habang ang dalawa pa ay sinundo lamang siya ng binata.
Madalas din silang kumain sa labas na madalas day ang binata ang nagyaya sa kanya. Isang beses na rin siyang naisama ng binata sa bahay ng mga magulang nito. Nabanggit daw kasi nito sa mga magulang na naging magkaibigan sila at kung papaano silang nagtagpo kaya hiniling ng mga itong makita siya at bumisita. May milyones siya sa bangko pero nalula pa rin siya ng makarating sa mansiyon ng mga Sebastian. Hindi na siya nagtataka kung il
