By Michael Juha
getmybox@hotmail.com
fb: Michael Juha Full
--------------------------
Nang masiguro kong iyon nga ang nabanggit na gate, nag-aalangan akong lumapit doon “May narinig po akong Jason Iglesias na tinawag, ako po iyon…” ang sabi ko sa guwardiya.
“Ah! Ikaw pala. May ipinapabigay sa iyo, galing sa kuya mo. Ito o…” sabay abot sa akin ng mga bulaklak na siguro ay nasa dalawang dosenang mga mapupulang rosas, isang box ng chocolate, at ang isa ay maliit na box na hindi ko alam kung ano ang laman.
Hindi ko na naman mapigilan ang hindi mapaluha habang tinatangap ko ang mga ito. “Salamat po…” ang sambit ko sa guard habang isinisiksik ko sa bulsa ang maliit na box. Para akong isang baliw na karga-karga ang mga rosas sa aking bisig at ang isang box ng chocolate ay hawak-hawak ko
