"Boss! Ang sabi sa akin ni Veronica umalis ka raw kahapon? Saan ka nagpunta? Bakit hindi mo ako sinama?" tanong ni Chris nang magpunta siya sa bahay ni Veronica.
"Oo. Pinatumba ko 'yong dalawang lalaki na nakita ko no'ng araw na nabaril ako. At tama ka, alam na ni Billy na ako ang kalaban niya. Pero wala akong pakialam. May isa pala akong hostage. Nandoon sa basement. Puntahan natin ngayon," sambit ni Zeus na bahagyang inayos ang kaniyang suot.
"Okay sige. Tara na, boss," sambit ni Chris sabay sakay sa kaniyang sasakyan.
Nagtungo muna sa kanilang kuwarto si Zeus at saka marahang hinagkan sa noo si Veronica. Nagising naman ang dalaga dahil doon.
"Love...alis lang muna ako saglit. May kailangan lang akong asikasuhin. Babalik din ako dito kaagad. Huwag ka na lang lalabas muna, ha? Baka ka
