Isa isang tumulo ang butil- butil na luha ni Valine. Mas masakit pa lang marinig sa mismong taong mahal niya ang salitang iyon. Lumuhod sa kaniyang harapan si Chris kasabay ng pag- iyak nito.
"Patawarin mo ako, Valine...hindi ko sinasadya iyon. Hindi ko gustong mangyari ang bagay na iyon. Sobra akong nagsisisi nang malaman ko iyon. Halos hindi na ako makatulog kaiisip sa kasalanang nagawa ko sa iyo. Palagi akong binabangungot ng takot na baka mawala ka sa akin kapag nalaman mo ang tungkol doon. Pero maniwala ka, Valine...baby...hindi ko ginusto ang pangyayaring iyon. Hindi ko ginustong mawalan ka ng pamilya," umiiyak na sambit ni Chris.
Nakaramdam ng awa si Valine para kay Chris. Ito ang unang beses na may umiyak na lalaki sa kaniya. At ramdam naman niya na totoo ang sinasabi sa kaniya
