Isang buwan ang lumipas simula nang maganap ang malaking pagsubok sa buhay nina Veronica at Zeus. Nabuwag na ang Black Dragons dahil wala na rin si Billy. Ang Bullets naman ay ipinaubaya na ni Zeus kay Ashton. Ang ibang Black Dragons ay kumampi sa Bullets.
"Grabe. Hindi ko inaasahan na ganoon katapang ang asawa mo. Hanggang ngayon ay hindi pa rin ako makapaniwala na siya pa ang nakapatay sa mortal mong kaaway. Ang galing niya. Tinalo ka pa," natatawang sambit ni Ashton.
Ngumisi naman si Zeus. "Kahit ako eh hindi makapaniwala. Sa tagal kong naghanda at naghintay para mapatay ang gagong iyon, si Veronica lang pala ang makakagawa. Talagang lalo akong humanga sa asawa ko."
"Angas talaga ng asawa mo. Hindi man lang kami nakasingit ni Andrei. Hindi man lang namin nagamit ang galing naming dal
