Handsome
Hawak-hawak niya ang kamay ko ngayon habang papasok kami sa mamahaling restaurant, malapit lang sa isang hotel. Isang tunog ng violin ang unang narinig ko pagkatapos at nakita ko na may sumasayaw. Malawak ang restaurant at para kaming uma-attend ng party.
Marahan ang pagkahawak sa akin ni Harry. Humigpit din ang kapit ko sa braso niya habang papalapit kami sa isang bakanteng lamesa.
Ang lambing at nakadadala ang tunog ng violin. Para tuloy kaming nasa isang movie kung saan nagd-date ang bidang babae at lalaki.
Napalunok ako at kinabahan dahil baka matapilok ako. Nang makarating kami sa lamesa ay binitiwan niya ako at pinaghila ako ng upuan.
“Sit down,” aya niya.
Kinagat ko ang ibabang labi ko bago ako umupo sa upuan na kanyang hinila. Napalunok ako at napatingin sa paligi
