PAPA
Nagising ako dahil sa isang malakas na halakhak mula sa labas. Napapikit ako nang matamaan ako ng sinag ng araw. Ngayon ko lang napansin na umaga na pala at hindi pa ako nakasaing. Binalingan ko ang gilid ko at napanguso nang makita ko na wala na si Amer sa tabi ko, siguro ay naglalaro na naman iyon sa bakuran.
Kinusot ko ang mata ko at bumangon. Inayos ko ang unan at kumot tsaka tamad na lumabas ng kwarto. Pupunta na sana ako sa banyo nang may mapansin ako na kumot na nakatupi sa sala. Kumunot ang noo ko no’ng una pero nang marinig ko ang halakhak ni Harry ay muntik ko nang makalimutan na narito pala siya.
Kumunot ang noo kong naglakad patungo sa may pinto. Sinilip ko ang labas at umawang ang labi ko nang makita ko si Harry at ang anak ko na naglalaro ng bola. Parang may humaplo
