Makulimlim pa rin ang kalangitan kahit mag-aalas-sais na ng umaga. Hindi pa rin mapakali sa upuan si Clay. Putol-putol din ang tulog niya sa kababantay kay Isla. Hindi pa rin kasi ito nagigising ngunit maayos na ang kalagayan nito. Inilipat din niya ito sa kanilang kwarto nang dumating ang tinawagan niyang doktor.
Kasalukuyan niyang hinihintay ulit si Dr. Mendez at saktong pagtayo niya ay ang siyang pagbukas naman ng pinto at iniluwa nun si Faroda kasama si Dr. Mendez.
"Doc," salubong niya at iginiya itong maupo.
"Mag-aakyat ako ng kape rito," wika ni Faroda at tumango naman si Clay bilang sagot dito.
Nang tuluyan na silang mag-isa ay may inilabas na brown envelope si Dr. Mendez at iniabot ito kay Clay. Nagtatakang tinanggap naman ito ni Clay dahil sa pagkaaalam niya ay lagnat lang nam
