Makalipas ang ilang taon . . .
"Cerius, mali-late ka na sa klase mo!"
Malambing ngunit may bahid ng pagmamadaling tawag ni Isla mula sa kusina habang iniaayos ang baon ng anak. Ang amoy ng bagong lutong kanin at pritong itlog ay pumuno sa maliit ngunit maaliwalas nilang tahanan. Kahit abala sa paghahanda, hindi niya napigilang mapangiti habang iniisip kung paano lumaki si Cerius nang mabuti—matangkad, matalino, at responsableng bata.
Sa loob ng labing-limang taon, ang anak nila ni Clay ang naging sentro ng kanyang buhay. Hindi lang ito masipag sa pag-aaral, kundi isa rin sa pinakamahuhusay na estudyante sa buong paaralan. Hindi man niya inaasahan, pero nagmana ito ng talino at determinasyon sa ama.
"Ayos lang po, Mom! Dad will ride me to school now," sagot ng binatilyo na kasalukuyang
