OPLAN PAAMUHIN ANG TIGRENG MASUNGIT.
Iyan ang ginawa kong title sa mga plano ko kung paano ko makukuha ang loob ng aking butihing amo na akala mo ay may regla na si Sky. Kasalukuyang nagsasampay ako ng mga bedsheets dahil nagpalaba si tita kaya naman nasa likod kami ng mga bata. Habang si Tita Cheska ay naghahanda ng mamemeryenda. Si Tito kase ang nakasched na magtungo ng kompanya at hindi naman kailangan si tita.
Nakakatuwa lamang dahil kahit napakalaki ng kompanyang hawak nila ay ginagawan nila ng paraan upang makasama ang mga anak nila. Hindi tulad sa mga nobelang nabasa ko noon na ipinahiram ng anak ni Aling Nena na walang oras ang mga magulang nila sa dahil puro sila trabaho. Sabagay, hindi mo naman kase masasabi kung ano nga ba ang totoo kung hindi ikaw mismo ang makakasaksi.
“Jo
