حكايه فتاتان

الجزء الثالث

حكاياه فناتان

الحلقه 17

ايمن :بتعملي ايه

ايمان :هقوم البس يعني هقابل الراجل بالبرموده

ايمن:انتي م**مه تقابليه بردو

ايمان:في ايه ياايمن هو احنا بنلعب احنا ف مشكله

ايمن :خلاص ماتنطقيش ف القاعده

ف*نظر له ثم تلتف لتذهب حجرتها لتلبس

وجاء الموعد المحدد وجاء فراس

وادخله ايمن للصالون

ايمن :اهلا وسهلا شرف*نا والله

فراس:الشرف ليا

ودخلت ايمان بالساقع

ايمان :انا هدخل ف الموضوع علي طول

انا حسيت كده في نظره حب اعجاب لسهيله صح ولا انا غلطانه

فنظر لها ايمن شذرا فقد كانت بجانبه ومال عليها مش قلت ماتنطقيش

ايمن :انا حسيت ان في حاجه كده من نظراتك لسهيله هل فعلا صح

ايمان تميل عليه ياسلام اضفت جديد

ايمن :اتلمي واسكتي

فراس:بصراحه احساسكو فعلا صح انا بحس ناحيتها باحاسيس مش قادر افسر اشمعنه هي

مع انها مش مدياني وش خالص معرفش ليه ومش عارف اعمل ايه

وينظر الي ايمن الذي ينظر لايمان

يعمل ايه هو بقي

ايمان:مش هقولك اتصرف انت بقي

ايمن :وبعدين بقي هنهزر

ايمان :خلاص سيبني اكلم بقي

ايمن :اتفضلي

وفراس يكتم ضحكته

ايمن :بتضحك علي ايه

فراس :بتفكروني بيا مع سهيله

ايمن :ازاي يعني

فراس:دايما نناقر ونناكف بعض بس انا مابنكرش اني بحبها لكن هي بتنكر زيكو كده بالظبط

ايمن وايمان:لا طبعا احنا

احنا ناويين نطلق اول الموضوع مايخلص

فراس موضوع ايه

ايمان :ماهو ده اللي باعتنلك عشانه واللي هيفهمك سهيله بتبعد ليه

وقصت له كل ماحدث

والتطورات التي وصلو لها

ولا ننسي موضوع العصير واللي عمله حسام ف ايمن

والله كرهوني ف ام العصير كله

الي صحبتها تعزمها علي عصير

تجرها ع القسم من قفاها

المهم نرجع لعم فراس المذبهل مما يسمعه

دا كله سهيله شيلاه فوق كتافها لوحدها

للدرجه دي مش واثقه فيا تامني علي سرها

دي فادتني بروحها وانا اتبرعت بدمي عشانها داكله مايخلنيش محل ثقه عندها

ايمان :بس هي معذوره الموضوع كبير ومش من السهل يتقال دي اهالينا نفسهم مايعرفوش حتي ايمن اتفاجيء بيه

فراس:بس انا بردو مازلت مصر اني شايف الحب بينكو

ايمن :لا حسك البوليسي خدعك المره دي

فراس:امال اجوزتها ليه ياايمن طب هي بتنتقم انت بقي

ايمن :مانكرش اني كنت معجب بيها بس بعد اللي حصل صعب

فراس:وانتي يا ايمان كنتي بتنقمي لكن حاليا مشفقه عليه وبتدافعي عنه كمان

ايمان:لانه زينا ضحيه لشخص قذر

فراس :انا مطلوب مني ايه

ايمان:تقف مع سهيله وتساعدها لو حتي من غير ماتحس عشان ماتزعلش مني اني قلتلك

وخد بالك منها

فراس:سهيله ف عنيه من غير ماتقولي

وحتي لو رفضت مساعدتي انا بعملها بردو غصب عنها

ايمان:كده نسافر انا وايمن واحنا مطمنين عليها انك.جمبها وبتحميها

فراس:مسافرين ليه

ايمن :اجازتي انتهت ولازم نسافر زي الاتفاق

حتي لو مره اه ومره لا

ايمان :لا طبعا لازم ابقي معاك امال هنقول حجتنا اني ماطقتش الحياه هناك ازاي

لو باجي شهر واروح شهر يبقي ماليش حجه وهطلع انا اللي بدلع

وانت تصر ان لازم مراتك معاك لو قالو اقتراح شهر هنا وشهر هناك عشان يبقي في سبب للطلاق مش عاوزين حد يعرف السبب الحقيقي

حكايه فتاتان

الحلقه 18

ايمان:ايوه حبيبتي انا مسافره مع ايمن عاوزه حاجه

سهيله:لا حبيبتي توصلي بالسلامه خدي بالك من نفسم

ايمان:ماتقلقيش عليا المهم انتي

انا قلقانه اوي عليكي وخايفه

سهيله:الرب واحد والعمر واحد ياما دقت ع الراس طبول مش اول مره انتي بس اللي قلبك خفيف

لا اله الا الله

ايمان :محمد رسول الله

ايمن :يلا ياايمان وصلنا بس انا قايلك من الاول ومفهمك هي مش شقه بمعني شقه دي اوضه ومطبخ وحمام والصاله متر ف متر فيها ترابيزه للاكل

ايمان:خلاص ياايمن هتحفظهاني اسمعهالك

ايمن :انا بنبه بس ودخلت ايمان

ايمن :معلش بقي دي شقه عزابي

انا والله لو كنا جوازه حقيقي كنت ناوي ادورعلي حاجه اكبر لكن هي السنه دي بالطول ولا بالعرض نقضيها وهرجع تاني لوحدي فيها وهي مكفياني .

ايمان:انت واثق ان دي شقه

والله بتظلم الشقق

دي عشه الفراخ اكبر منها

ايمن :والله انا ماخدعتكيش

ايمان:طب دخل الشنط وريني اوضه النوم

لا انت بتهرج اكيد

دا سرير متر ومافيش مجال نحط فرشه جمبه

ايمن:وانا اعمل ايه يعني مانا كنت بنام لوحدي

وكان مكفيني ميت فل و14

وقلت لما اتجوز هبقي اخد مراتي ف حضني اهو ندفي بعض ف البرد القارس بتاع بليل

ايمان:ودلوقت ايه الوضع بقي ان شاء الله

ايمن :اتصرفي بقي هو كل حاجه عليا

تاخذه من يده تواجهه بالسرير

اتصرف انا ازاي ف ده

ايمن :انتي الطرف ده وانا الطرف ده

ايمان:هو فين الطرف ده والطرف ده

دا عاوز ميكرسكوب عشان اشوفه

ايمن :خلاص اروح انام عند.اي حد من اصحابي

ايمان :يا فرحتي

عريس جديد جاي مع مراته ويروح ينام مع اصحابه يقولو ايه

وعاوز تسيبني ف الصحرا الهو دي لوحدي

ايمن:هو حد هيهوب هنا اساسا

ايمان :انا تعبت عاوزه اخد شاور مش طايقه نفسي من السفر وبعدين نشوف الحال ايه

واخدت فوطه معها وغيار

ودخلت الحمام

وبعد فتره سمع صويت

طلع جري لقاها بفوطه الحمام حول ص*رها وتصوت

ايمن :في ايه

ايمان :ت ع ب ا ن

واغمي عليها

فحملها للسرير وذهب يقتل التعبان فهو معتاد علي مثل هذه الاشياء وهو تعبان صغير قنتله وجابه ف ايده وفوقها لتقوم مفزوعه من قربه وهي بفوطتها هذه

ويشير اليها بالثعبان

مش م**وفه من نفسك ده يخوفك ويعمل فيكي كده بكره تتعودي وتقتليهم بنفسك

ايمان:انت بتستعبط دا تعبان

ايمن:دا شبه الدوده

قومي كملي الشاور بتاعك

ايمان :انا مش منقوله من هنا روحني ياايمن

ايمن :هو لعب عيال

انتي كده بدياها من بدري اوي انتي ناسيه الاتفاق لما تخلص القضيه وتنتهي هنطلق

ايمان:وانا ماقلتش طلقني بس انا مش قاعده هنا دقيقه واحده روحني

ايمن:يوووه انتي مخك تعبان وانا مش فايقلك شوفي بقي انا عندي شغل من بكره ومش هتنقل من هناقبل شهر

تبكي ايمان فيجلس بجانبها

ايمن:طب اعمل ايه يعني يخلصك اترفد من شغلي

انا خدت اجازه طويله من الشغل عشان الفرح ولسه راجع عوزاني اقولهم انا راجع تاني اصل مراتي مش قادره تصبر معايا شهر

ايمان:ماهو انا مقدرش استحمل التعابين

يقلع قميصه وهو يقول ليكي عليا بكره

فتستوقفه انت بتعمل ايه

ايمن :بقلع عشان اغير

ايمان :طب اقلع بره مش هنا

ايمن :هو فين بره ده هو في بره اساسا

اطلع اغير ف الشارع

ايمان :طب استني اما الف

ايمن :وانتي مش واخده بالك انتي لابسه ايه جت عليا

ايمان تنظر لنفسها

يالهوي

طلع الشنطه دي بسرعه ع الكرسي ده ليخشها حاجه وهاتلي بجامه واندر واقفلها تاني وسيبها ع الكرسي لحاجه تدخلها

فناولها مارادت

ايمان :اطلع بقي عشان البس

ايمن :قال يعني في حاجه لسه ماشوفتهاش بفوطتك دي

ايمان:اطلع بره وخد هدومك معاك والبس

انت كنت بتقول ايه قبل اللبس ده

ايمن :انا فاكر انتي تنسي الواحد اسمه اصلا

ايمان :كنت بتقول لو عليا من بكره ووقفت

ايمن :اه هجبلك بتاع الرخام يعملك عتبه للشقه وللحمام وللنوم عشان مافيش حاجه تدخل

ايمان:قال يعني هتمنعهم العتبه

ايمن :بلااش بلااااش وفرتي

ايمان :ايه حيلك مابتصدق

لا هاته يمكن يبعدهم عننا

اطلع بره بقي

ايمن :ابو جنانك.ده حاضر هطلع بره

حكايه فتاتان

الحلقه 19

ارتدي كل واحد ملابسه ودخل الحجره عليها وهو متنرفز

ايمن :هنام ف ليلتك دي ولا لاء

ايمان:انت بتكلمني كده ليه

انا مابشتغلش عندك

ايمن :لا شكلي انا اللي شغال عند سيادتك

اطلع بره خش جوه

انا عندي شغل من بدري ومش فاضي للعب العيال بتاعك ده

عاوز ارتاح وانام عشان اعرف اواصل ف شعلي من الصبح لبليل

ايمان:هاااا

هتسبني لوحدي هنا من الصبح لبليل

ايمن وهو ينام علي طرف السرير

مش بليل اوي يعني قبل المغرب كده

ايمان:لا كتير اوي انا مش هستحمل ده كله لوحدي

يعني اعمل ايه ده كله

ايمن:جهزي الاكل وضبي الشقه انتي شيفاها يرمح فيها الخيل اهو وهتتعبك تنفيض وتنضيف

اقولك كل يوم طلعي العفش بره وهويه وشمسيه ودخليه

ماهو سرير ودلاب والترابيزه اللي بره

تخبطه علي ظهره

انت بتهرج وانا ف مشكله

ايمن يبصلها اعملك ايه

دي مشكلتك وانتي قاعده فاضيه بكره مخمخي كده وحليها

ودلوقت حلي عن قفايا وارحميني عاوز انام ورايا شغل مكوم اد كده

ايمان:رخم ورذل كمان

ايمن يبصلها

الله يسمحك مش هرد عليكي بدل ماقلبك من ع السرير

ايمان:تقلبني فين دا انا لازقه ف الحيطه

وانا مابحبش النوم جوه جمب الحيطه

ايمن :ولا انا ومش هسيب مكاني اتخمدي ياايمان بقي بدل ماهخنقك

وفعلا استسلمت وراحت في ثبات عميق فقد كانت مرهقه من السفر ومماحدث

واستغرب لنومها بسرعه

وكانت مش عاوزه تنام اهي نامت قبلي وينظر لها فهي كالملاك

ثم ينام هو الاخر

وبعد فتره وجد يدها تلتف علي وسطه

ايمن :وبعدين بقي

وبعدها رجلها توضع عليه وكانها تركب حصان

ايمن:لا والله كده كتير

ولم يحاول ازعاجها وبعد ذلك التفت وخبطته بظهرها اوقعته ف الارض

فقام متنرفز

لا بقي كده كتير انا لو نايم جمب طفله مش هتعمل كده حركتك كتيره والاخر تقلبيني من ع السرير

فقامت مذبهله

في ايه انا قلبتك ماهو انا مش واخده انام جمب حد وكمان السرير صغير اوي طب كنت جبته 120 مش متر بتسترخص

ايمن :والله اللي لقيته ساعتها ماكنتش عارف ان البرنسيسه ايمان هتشرفني وتتعطف وتتكرم وتنام عليه

ثم انا واخد ربعه بس وسايبلك التلات اربع

يعني واخد 25 سم بس وسايبلك 75 بحالهم مش عاجبينك وطمعانه ف ال25 بتوعي يامفتريه

ايمان :والله ماكان قصدي اوقعك انا ماحستش خالص

ايمن:طبعا مبرتعه فيه وشويه تحضنيني بايدك وشويه برجلك وكاني المخده بتاعتك

فت**ف وتضع يدها علي فمها

انا عملت كده

ايمن :لا امي

ايمان:خلاص انا اسفه

تعالي نجرب تاني ومش هعملك كده تاني

ايمن :لا اعملي عشان اقوم الزقك.بالقلم علي وشك

ايمان:ماخلاص بقي مشكنت نايمه وانا قاصده يعني

اووف بقي

ايمن :كمان انتي اللي بتتاففي والله شكلي هروح اناملهم ف الشغل واقولهم مراتي كانت بتطبق نظريه كيف تقلبين زوجك من ع السرير

ايمان:اقعد زن كده كتير مابيصدق يمسك ف حاجه

ايمن :انا بزن والله الزقك.ف الحيطه بكوعي

ايمان:طب نام نام

ايمن:فكريني ع الجمعه اجيب عربيه حد من اصحابنا نروح اقرب مدينه نجيب حاجات من للسوبرماركت واجيب لحاف فايبر احطه تحتي عشان اما اقع عظمي مايتفشفش

ايمان:طب ماتنام عليه اصلا اريح بدل ماتقع عليه

ايمن:عشان تبرتعي ف السرير براحتك وانا عضمي يجيله روماتزممن نومه الارض

لا بقي مش ههنيكي عليه لوحدك

عشان تتعلمي تحسي باللي حواليكي

ايمان:هو عند وخلاص

ايمن :اه عند ونامي بقي ف سنتك اللي مش فايته دي ربنا يصبرني عليكي السنه دي

ايمان:قال يعني انا اللي فرحانه بالقاعده معاك ف الهو ده والارف ده ربنا يصبرني انا

يزوقها بكوعه طب نامي نامي

تض*به علي ظهره

ماتض*بش

رخم غتت ومش هكلمك تاني

وتروح زقاه يقع تاني

فيقوم متنرفز وبشخط

احنا هنلعب ولا ايه

والله لو عملتيها تاني ماهيحصلك طيب وهي مغطيه وجهها وهتموت من الضحك وتقول احسن عشان تحرم تزوقني بالكوع

ايمن :بتقولي ايه اطلعلي هنا

ايمان:تصبح علي خير

فينام اخيرا ايمن وايمان

حكايه فتاتان

الحلقه 20

وف الصباح استيقظ لعمله

فاستيقظت وضعت له الاكل دون كلمه

ايمن :مش هتفطري معايا

فتركته ودخلت الحجره

فذهب وراءها

لو مش هتفطري معايا مش هفطر

فنظرت للاتجاه الاخر

ايمن :خلاص ماشي انا مش فاطر ولو اغمي عليا يبقي ذنبي ف رقبتك

فاخذ ملابسه يرتديها ف الحمام

فقامت عملت ساندوتشات له ووضعتها ف كيس وعندما خرج مدت يدها له بها

فامسك بيدها يقبلها

انا اسف واقترب ليقبلها من جبهتها

فتدمع عينيها

ايمن ماقلنا اسف بقي انتي زعلك وحش كده ليه

هو مين اللي المفروض يزعل اللي اتقلب من ع السرير ولا اللي قلبه

فضحكت وهي تبكي

ايمن:ماهو اللي عملتيه فيا امبارح مش شويه ياايمي والله

راجل غيري كان خنقك وتواكي ف الصحرا اللي بره

تخبطه علي ص*ره

والله ليه ماليش اهل يدورو عليا

دي صحبتي تجيبك من قفاك دي رائد بحاله

هو انا شويه ولا شويه

ايمن:لا طبعا ياكبير

فتخجل

ايمن:طب ماتيجي نفطر سوا بقي بدل مانا زي التلامذه وواخد الاكل ناقص تديني اللانش بو** معايا واروح الحضانه

ايمان:ههههههه ماشي بس خده معاك انت هتتاخر

ايمن :حاضر ياسيتي اوامرك واحنا نقدر نخالف الحكومه

...........

اما سهيله فقد اخبرت رؤساءها بالخطه

وفراس فقط من يعلم بها ويساعدها حتي تكون بسريه تامه

..........

اتصلت سهيله برقم حسام ف الكارت الذي اعطله لها

وبنعومه تحدثت

سهيله:الوووو

حسام:ايوه مين معايا

سهيله:اخس عليك نسيت صوتي كده اوام

حسام:لا صحيح اخس عليا ازاي انسي الصوت الملاءكي ده

بس معلش مشغولياتي كتير ممكن تساعدني ياقمر

سهيله:انا اللي قابلتك ف الغردقه ف اوتيل .....

واتخبطت فيا واديتني الكارت

حساام :هو انتي يااااه انتي لسه فكراني

وماتصلتيش ليه من زمان

سهيله:لسه راجعه قريب من هناك اصلي بقضي معظم الوقت هناك مش بحب القاهره اوي

حسام:لا ازاي بقي من هنا ورايح هتحبيها واوي كمان

ياريت نتقابل بره

سهيله:لا انا نفسي اشوفك ف شركتك وانت بتمارس عملك كده بحب انا رجل الاعمال اللي ف مكتبه كده ويشخط وينتر يااااي بيبقي يجنن

حسام:بس كده تعالي اي وقت وانة اديهم خبر يدخلوكي علي طول وانا ههريكي شخط ونتر

بس الاسم ايه عشان اسيب الاسم للسكرتاريه واديهم اواكر يدخلوكي فورا

**ماهو مايجبش الراجل ورا الا النسوان**

سهيله:انا اسمي سهيله

حسام:اسم جميل لانسانه اجمل

سهيله:ميرسي انت جانتي خالص

حسام:انتي شوفتي حاجه لسه

داانا هبهرك

سهيله:طب باااي بقي

اووووووف دمه يلطش

فراس :مش لازم الدلع ده اوي يعني

سهيله:احنا هنهرج ولا ايه يافراس

دا شغل امال نجر رجله ليه

فراس :ماكنتي كويسه ولا الدلع لناس وناس

مايظهرش معايا انا بالذات غير هيركليز

سهيله:فراس انا مش فيقالك

انا جبتك تساعدني لو احتجت تغطيه ف حاجه

مش حمل عليا

فراس:انا حمل عليكي ياسهيله

انا لو اطول افد*كي بروحي هعملها ومش هتاخر

سهيله:عارفه يافراس وماقصدش

ومش كل كلمه بقي تتقمص انا والله ماحمل كده

انا فيا اللي مكفيني

فراس:عارف وعشان كده مش زعلان منك

سهيله:عارف ايه

فراس:المهمه يعني وكده مش بسيطه

سهيله:اه وبفكر فيها ليل نهار ازاي هقنعه ابقي سكرتيره عنده ويثق فيا

فراس:ان شاء الله هتلاقي طريقه

انتي حطيتي رجلك ف اول الطريق

........................

.حكايه فتاتان

الحلقه 21

..........

رجع ايمن من عمله

فوجدها بالمطبخ

ايمن :ايه الرواءح الجميله دي

شكل الاكل تحفه دا انا واقع

ايمان:طب غير بسرعه وهغرف وكل وهو سخن

وغرفت وجلسو سويا

ايمن :ايه ده انتي ماكلتيش من الصبح

ايمان :لا ماليش نفس قلت استناك اما تيجي

ايمن :ماينفعش كده لازم تاكلي حاجه ف النص

طب انا ادتيني السندوتشات لكن انتي كده غلط عليكي

ايمان:انت بتتعب وبتبذل مجهود ولازم تتغذي عشان ماتدوخش لكن انا قاعده مابعملش حاجه فمش بجوع

ايمن :ماهو لو ماكلتيش اي حاجه ف النص يبقي مش هاخد معايا السندوتشات

ايمان:لا ياايمن بقي

خلاص هبقي اكل

ايمن :ايوه كده شطوره وانتي بتسمعي الكلام

فتت**ف وتخجل وتزداد حمره وجهها

ايمن :ناكل بقي انا مقاومتي انهارت مع الاكل التحفه ده والروائح اللي تجنن دي

ايمان:بالهنا والشفا

ايمن :الله يهنيكي وياكلان سويا

.........

ايمان:علي ماغسل المواعين واعمل الشاي خد شاور عشان نصلي االعشا وتنام فريش كده

ايمن :حاضر

وفعلا ياخذ شاور ويخرج يمشط شعره

تدخل ايمان :نصلي الاول وبعدين اعمل الشاي

ايمن ؛ ماهو مع الاسف مافيش جامع ف الهو ده

بصلي كل الصلوات وانا ف الشغل واجي هنا نصلي العشا والفجر سوا

ايمان:دا من حظي عشان نصلي جماعه

ايمن:اه جاتلك ع الطبطاب

ويصلو سويا

ثم يفرد جسمه ع السرير ويضع يديه خلف راسه ليغفل ثواني

فتدخل بالشاي

فيقوم

ايمان:لا خليك مرتاح انا هقعد ع الكرسي

ايمن:انا قلت لبتاع الرخام

قالي ارفعله المقاسات وادهمله يقطعهم ويجبهوملي اركبهم

بدل مايجي هنا لتكوني لوحدك او يعرف البيت وانا بسيبك لوحدك فتره وانا ماضمنش نفوس الناس

هجيب انا الجبس واعمله لما يجبهم

ايمان :اللي تشوفه كده احسن

ايمن :مش هنام

لحسن الواحد اتهد حيله انهارده زي مايكونو مستنيني ومكومين شغل عليا اد كده

ايمان :ربنا يعينك

هات كوبايتك

ايمن وهو ينظر لها كوبايه ايه

ايمان :الشاي اللي ف ايدك مش خلصتها

ايمن :اااه معلش اتفضلي

وتاخذه منه وتذهب للمطبخ تغسلهم وترجع

اطفي النور هتنام خلاص

ايمن :اه ان شاء الله

فيولع الموبيل لتاتي ف نور ولا تقع ف الظلام

وتدخل مكانها

ايمن :من اولها كده لو عملتي زي امبارح هربطك ف السرير انا جسمي ادغدغ من الوقعتين بتوع اامبارح ورايح زي عبده المخلع والكل مفكر حاجه تانيه وشغالين تحفيل عليا واعريس وزفت

ولو يعرفو اللي فيها

انا كان مالي ومال الجواز بس اجيب واحده تزنقني الزنقه السوده دي ماكنت مرتاح

ايمان:ياسلام يا واد

لا انا اللي كان نفسي ف واحد يلزقني ف الحيطه

يلتفت لها بقي انا لزقك ف الحيطه يامفتريه ظا انا سايبلك اكتر من نص السرير ومش عاجبك مع ان شوفي حجمي وحجمك

فتضحك اوي

ايمن :بتضحكي علي ايه كده

اصل حتي السرير بيزيق وبيضحك عليك لما قلت عليه سرير

هههه مش واثق من نفسه

ايمن :هههه لا ظريفه نامي نامي

وفي اثناء النوم

يتقلب ايمن اتجاهها ويحتضنها

لتتململ وتكمل نومها وبعد فتره احست بثقل يده ففتحت عينيها لتجده محتضنها فتضع يدها علي فمها وتنظر له تجده نائم لا يدري

فتقول لنفسها

اهو يدي ويفعل ذلك عن قصد ولكنه نائم بالفعل

ام هو يردها لي كما فعلت به امس

وهي متردده اتوقضه ام ماذا تفعل

ولكنه صعب عليها توقظه فاستسلمت للنوم مره اخري

ليستيقظ ف الصباح فيجدها باحضانه

ايمن :يانهار ابيض

فيقوم مفزوعا تقول عليا ايه دلوقت اني قاصدها

فيقوم ليقف ويخلل اصابعه في شعره

كويس اني صحيت قبلها

يارب ماتكون حست بالموضوع ده

حكايه فتاتان

الحلقه22

ذهبت سهيله لحسام كما اتفقو وكلمت السكرتيره التي ادخلتها علي الفور

سهيله:هاااي

حسام:اهلا ياقمر ويقترب ليقبلها

سهيله :اووو مش اوي كده انت جريء اوي

حسام:براحتك ياقمر مش مستعجلين احنا ورانا حاجه

سهيله:ياااي كان نفسي اشوف راجل اعمال كده وكان نفسي اوي ابقي السكرتيره الخاصه بتاعته ويشخط فيا ويقولي ودي الملف ده الخزنه هاتي الدوسيه ده ياااي fantastic

حتي لو من غير فلوس انا مش محتاجه الشغل ده بس نفسي اوي ف كده

حسام:ياسلام جيتي ف جمل

من بكره تيجي تستلمي شغلك وتبقي السكرتيره الخاصه بتاعتي كمان

سهيله: realy

حسام:sure

هو الكلام ده في تهريج

سهيله :yes

I am so excited

حسام:مش اكتر مني بصراحه

سهيلهwhat?

Ido not understand

حسام :ماتخديش ف بالك

بس مافيش مكافاءه عشاني بقي

سهيله:مش بقولك جريء اوي

انت ليه مستعجل كده انا احب اعرف اللي قدامي الاول

حسام:اعرفي ياختي براحتك اعرفي

تشربي ايه

سهيله:لا انا همشي بقي عشان استعد للشغل بكره

حسام:علي طول كده

سهيله:معلش لازم اعمل شوبنج عشان الشغل

حسام:ليه ماكده حلو اوي

سهيله:انت شقي اوي

فهي ترتدي جيب ميني جيب وبلوزه كات وهي فرعه زي ماقال حسام وجسمها جميل وشعرها قصير زي البت اللي ف الصوره

وخرجت من عنده منتصره في اول جوله

ونزلت ابتعدت شويه عن الشركه كان فراس ينتظرها ف السياره وهو شايط

سهيله:مالك

فراس:هو لازم الدلع المريء اللي مابنشوفوش ده الا مع سي زفت

سهيله:في ايه يافراس مش شغل وانت عارف كده كويس الانسان ده انا مش عارفه صابره عليه ازاي وانا شيفاه قدامي ببقي عاوزه اخنقه بايدي

فراس:بس بردو مش كده وايه القصير والكات ده

انا مش مستحمل كده

نخلي اي حد يعمل المهمه دي

سهيله:تجز علي اسنانها وتقبض علي يدها لتبرز عضلاتها

دا تاري انا وماحدش هياخده غيري واي حد هيقف ف وشي هقتله

فسكت فراس فهو يعلم مدي الالم الذي يعتصرها كلما رات حسام وتذكرها مافعل بها

ولكنه لا يقوي علي البوح بما داخله

سهيله:وديني اجيب شويه بلوزات علي بناطيل ضيقه

انا عارفه الارف ده بيلبسوه ازاي

فراس:طبعا واخده علي الافرول ولا لبس الصاعقه

سهيله:ايه مش عاجبك ع الاقل له معني من لبس البنات التافه ده

فراس:وانتي مش منهم ولا كائن حلزوني فضائي

هبط علينا من زحل دا حتي زحل متحزم وبيرقص طول النهار ومبسوط انتي اكيد من بلوتو

صح هو بلوتو مش كده يابلوتي

سهيله:خفه ماحدش قالك انك ظريف وطعم ونايتي

فراس:انت اول واحد تقولهالي يا قمر

سهيله :فراس اتلم لحسن انا روحي ف مناخيري

وبظهر ايدي هخيشلك انزلك.صف سنانك

فراس :يانهار اسوخ ياجدعان قاعد جمب اندر تيكر

..............

اما ايمن فقد اخذ المقاسات لبتاع الرخام ف الصباح فقطعهم الرجل واعطاهم له واخذ نعه المون لعمل الاعتاب

وعندما رجع وبعد الاكل

بدا العمل ومشغلها معاه هاتي مايه حطي شويه اسمنت ابيض وهو موطي وهي من فوقه تشاهد وعندما قام دونان يلاحظانها وراءه

خبطها براسه ف راسها فقام يمسك بيدهة قبل ان تقع

ايمن:انتي راكبه فوقي كده ليه

ايمان :اي مش بتف*ج

ايمن :يانهار اسوح

ايمان:ايه ورمت

ايمن :في شعرايه علي عينك ويزيلها لها

ايمان تض*به والله انت رخم وهو يضحك عليها

يلا لم عدتك دي عاوزين ننام

ايمن :حاضر ياست الريسه

هاخد شاور واحصلك وسيبيلي مكان مشتاخدي السرير كله ماانا عارفك

ايمان :هاخده كله ومش هسيبلك فتفوته اد كده

ايمن: بقي كده ويجري وراها لتدخل وتغلق الباب

ماشي يا ايمان يا محنناني وينهي الشاور ويذهب يجدها تغط في نوم عميق فينام بجوارها فهذه حياتهم التي اعتادوها سويا

حكايه فتاتان

الحلقه23

ذهبت تاني يوم سهيله لحسام الشغل

سهيله:هاي

فين مكتبي ولا نسيتني بدلع

حسام:انا اقدر داانا انسي الدنيا بحالها انما انت لا ياقمر

عملتلك مكتب لزق فيا وبينا الباب ده بس

تغالي شوفي وخدها من يدها يف*جها

سهيله:يااااي تري شيك

ميرسي ياسومه واحتضنته ثم ابتعدت بخجل

انا اسفه بس اصلي so excited

حسام:ودي حاجه ت**في منها

داانتي لو ماعملتيش كده انا اللي ازعل

سهيله تزقه لمكتبه

طب يلا يااستاذ علي مكتبك عندي شغل

والمدير بتاعي صعب خالص

حسام:ماشي ياقمر

وبعد ان خرج

اووووف ربنا يصبرني عليه

حاسه اني بتخنق كل مابقرب منه وخايفه مره صبري ينفد واخده مقص واجيب لمس اكتاف

.....................

ايمن :انا جبت عربيه من صاحبي عشانننزل بيها بكره المدينه نجيب الحاجه من السوبر ماركت

وفعلا ناما واستيقظا وفطرو سوا

ونزلو

ايمان:مش كنا نزلنا بعد الغدا عشان الحق اعمله

ايمن :نبقي ناكل بره او نجيب هامبورجر الي ف السوبر ماركت والعيش بتاعه ونعمله هنا اي حاجه مش هتفرق ماتخفيش مش هوقفك.تعملي غدا اما نرجع عارف هتبقي تعبانه من اللف

ايمان:اوك يلا بينا وذهبو جاب اللحاف الفايبر اللي بيحطه مطرح مابيقع عشان لو وقع وجابو لوازم البيت من السوبر ماركت وشبطت ف اصاري زرع لنباتات

ايمن ودي لزمتها ايه

ايمان:انا بحب الخضره بدل الصحرا الي قدامي

جنينه طويله عريضه وفاضيه

ايمن:عالم اغ*يه مساحات واسعه وعاملي اوضه وحمام ومطبخ وسايبلي جنينه فاضيه 300 متر

عالم فاضيه

بس بردو ايه لزمته

ياخراب بيتك ياايمن هي الستات كده حريقه فلوس وديها شوبنج وهي تخرب البيت

يكون ف علمك هو ده المرتب تصرفي نفسك بيه اانا مش بستلف من حد

ايمان:خلاص ياايمن بقي ماتخفش انا هظبط كل حاجه وهشتريهم شويه بشويه

ايمن:هو في تاني بعد المزرعه اللي اشترتيها دي

ايمان:يوووه دا لسه بدري

ايمن :يا خراب بيتك ياايمن

ايمان:يلا يلا شيل من سكات

ايمن :حاضر ياسيتي امري لله

وفعلا اخدو الاشياء وروحو هلكانين من اللف

ايمان :انا هلكت اظن احنا واكلين وشبعانين ولا جعت بخوف

ايمن :لا ماتخافيش مش جعان هاخد شاور وانام

بعد ما اساعدك ف رص الحاجه ف التلاجه

فخلعت نقابها واسدالها

وراحت ترص الحاجه وهو معها وسا**ها الزرع تشوف هتعمل فيه ايه ودخل خد شاور

لقاها مستنياه

طلعلي بس الزرع ده قدام الباب وانا ابقي ارصه بره بكره علي مااخد شاور

ايمن بغيظ

طب ماكنتي تقولي قبل مااستحمي ويهوشها بايده عاوزه الض*ب والله

ابهدل نفسي تاني يعني

ايمان:خلاص مش عاوزه منك حاجه انا هعملها الصبح

ايمن:خلاص هعمله وامري لله فكيها بقي دا انتي غلسه

ايمان:والله انت اللي رخم

ايمن :امشي يابت بقي من قصادي انا مخنوق منك والله

فتجري ع الحمام ويطلعهم لما يتهد حيله ويروح ع السرير يرتاح يجدها تخرج تمشط شعرها الطويل

ايمان:طالعه انتي فريش كده تنامي ولا علي بالك وانا بعد المجهود ده عاوزلي دش تاني

ايمان:انت هتتدلع عشان كام قصريه ورد هتعمل بالو اكنك شيلت 100 كيلو

ايمن :انتي بتتريقي كمان ومش عاجبك خيراً تعمل شرا تلقي

طب ابقي شوفي مين يساعدك تاني ف اي حاجه

ايمان:انا مش محتاجه مساعتك ف اي حاجه انت اللي بتعرض

ايمن :ماهو قلبي الطيب مابستحملش اسيبك تعملي لوحدك

ايمان:خلاص يبقي ماتذلنيش بقي عامل زي اللي بيتبعوا صدقاتهم بالمن والاذي

ايمن :انا ياايمان كده

ايمان :اااه

ايمن :طب نامي بقي احسن لك عشان انا جبت اخري معاكي

ايمان :حطيت الفرشه تحتك

ايمن :مش هحطها وحطيها انتي دي مسؤليتك شغل البيت

ايمان تدخل مطرحها وانا مالي هو انا اللي بقع ولا انت

ايمن :طب والله لو ماتحطت ياايمان لاكون مشقلبك من علي الارض دلوقت

ايمان:لا ايمن والله لو قربت مني هصوت

ايمن:صوتي اقرب جار يبعد 600 متر عننا

فيحملها ويوقفها خدي الفرشه حطيها

ايمان:خلاص هحطها سيب دراعي بقي انت رخم اوي

وبعد ان وضعتها

ستات ماتجيش الا بالعين الحمرا

ماينفعش معاكو التعامل بالذوق والادب ابدا تسوقو فيها

ايمان:والله طب وسع بقي وشوف مين هيفطر ويتعشي معاك

فيلتفت لها

واهون عليكي افطر واتعشي لوحدي

وانتي هتقدري تاكلي من غيري ويجيلك نفس

ايمان :اه وسع بقي وابعد مطرحك

ايمن :بس انا مقدرش

فتبكي ايمان

ليمسح دموعها خلاص ياايمي بقي ماهو انتي اللي بتنرفزيني وتتعمدي تقولي كلام مستفز

خلاص بقي عاوز انام وانا مطمن علي فطاري وعشايا

فتضحك علي كلامه

خلاص اطمن

يلا بقي نام عشان شغلك تصبح علي خير

وانتي من اهله

حكايه فتاتان

الحلقه24

تاني يوم فطرو سوا وخرجت الجنينه ظبطت الزرع بتاعها بشكل جميل وشافت محتاجه زرع ايه تاني ف اي مكان عشان تجيبه شويه بشويه وعملت ركن ف الجنينه بحيث لو جار من اللي بعيد 600 متر حب يعدي مايشوفهاش واخرجت الترابيزه والكرسيين بحيث ياكلو بره ف جو اجمل من الخنقه بالداخل وتركت كرسيين ف الصاله بشكل جمالي

وعملت الاكل وانتظرته

ليدخل ايه الجمال اللي بره ده علي الزرع ف مدخل باب الشقه

وبعدين مالقاش الترابيزه

ايمن:انتي بعتي الترابيزه ولا ايه

الفلوس عجزت معاكي هتبيعي عفش الشقه قطعه قطعه

دا هم 3 قطع هتنيميني ع الارض المره الجايه

ماقلنا بلاش زرع

ايمان:اسكت شويه مابتصدق

خش خد شاور وانت تعرف

ايمن :ربنا يستر

واخرجت الطعام بالخارج وكان فيه لمبه بره ولعتها لان الظلام حل

وعندما خرج يدور عليها مش لاقيها

البت طفشت ولا ايه

ياايماااااان

فردت من الخارج تعالي ياايمن هنا

فخرج وجدها في ركن من ورا مداري ووضعت الترابيزه وحولها بعض الزع واللمبه مولعه واكل ع الترابيزه

ايمن:ايه الجمال ده بس انا مش واخد ع الدلع ده

كده بقي الواحد ياكل بنفس

دا ولا فندق 3 نجوم

ايمان بزعل 3 بس

ايمن:ولا تزعل ياقمر 10 نجوم هو بفلوس ولا هنحاسب عليه

اصل انا اخري 3 نجوم

مارحتش ابو 5 ده اسمع عنه سمع خير والله بس ماجربتوش

ايمان :ههههه طب يلا كل بدل ما الاكل يبرد

وهكذا سلبت ايمان لبه وتفكيره دون ان يدري ولكنه لايامن مكرها ولا يعرف ماستاووول اليه الامور

ولكنها شغلت حياته واصبح لحياته معني

.............

اما سهيله فهي مستمره ف العمل مع حسام

وتدقق ف كل ماياتي اليها من ملفات حتي انها اتقنت العمل بالفعل واصبح يعتمد غليها حتي ف السهرات مع العملاء اصبحت تلازمه ولكنه حريص وحويط جدا فمعظم مايصل اليها من ملفات سليمه ليس بها حتي تهرب ضريبي فكل مايصل اليها تصوره وتبعته لفراس ليعرضه لو به اي ثغره

.................

..........

انقضي شهران وليس شهر علي ايمان وايمن فقد كان عليه عمل كثير ولم يقدر علي اخذ اجازه بعد شهر فاضطر لوصل شهرين معا

وهي لم تعترض فهي الفت واعتادت الحياه واصبح لديها حديقتها التي تعتني بها وتخاف ان تتركها لتجف

ثم سافرا معا اجازتهما علي شقتهما

واول مادخلت

ايمان:يالهوي

الشقه متعفره اوي امال لو ماكنتش شيلت الفرش والسجاجيد كانت اتبهدلت

ايمن :ياسيتي كويس انه سيراميك مسحه وهيتلمع

يلا نغير وانا هساعدك اجبلك المايه والفتاله وانتي امسحي واغيرهالك عشان ماتتعبيش ف الشيل ونخلص علي طول

ايمان باستسلام اوك

ودخلت حجرتها وهو حجرته بعد ان اخذ غياره

وخرج جاب المايه

وهي خرجت فشافت منظره لتضحك

انت عامل كده ليه

ايمن :بتضحكي ليه عمرك ماشوفتي واحد لابس بادي حمالات وشورت

عشان ماتبلش

ايمان بمكر عشان ماتتبلش قولتلي

وراحت واخده مايه من الجردل وترش عليه

ايمن :ايمان بطلي حركات العيال بتاعتك دي مش هيحصلك طيب

ايمن جاب اخره وجري وراها وهي تجري حول الكنبه والكراسي ليطلع ع الكرسي بشكل فجاءي ويدوس علي مجضعه فينزل بالكرسي امامها وهي تنظر له بذهول فيمسكه

ليقعان سويا

ايمان:خلاص ياايمن بقي حرمت

ايمن والله ابدا انا حلفت بالله وحملها الي الجردل المليء بالماء ثم حملها بذراع واحد علي كتفه والثاني حمل به الماء ليحميها هي وهو به

ايمان:يالهوي اخس عليك ياايمن كده غرقتنا طب نزلني بقي فانزلها ببطء ليزيل شعرها الملتصق علي عيونها وهي ايضا تزيل شعره من علي جبهته

ثم تنظر للارض وتبرق

يانهار ابيض كده المايه هتدخل تحت العفش وتحاول المشي وتتزحلق فيمسكها من وسطها من الخلف

خليكي انتي هجيب المساحات بدل ماهتقعي واثناء مسحهم يرن الجرس

ايمان:اعمل ايه دلوقت مش عارفه اتحرك واجري علي جوه

شوف مين لو ست ندخلها راجل خليه بره

فقال مين طلعت امه

ايمن:خليكي دي ماما

ودخلت لتجد.الدنيا غرقانه

امه:ايه ياولاد اللي عملينه ده

ايمن :ابدا كنا بنمسح عقبال عندك

فوجدتهم مبلولين

امه:طب المايه ع الارض انتو ايه عمل فيكو كده

انتو بتمسحو وتستحمو ف نفس الوقت

ف*نظر ايمان لايمن شوفت عمايلك فضحتنا

امه تضحك ربنا يسعدكو ياولاد طب خشو غيرو لتبردو

وهاتو المساحه الم المايه دي علي ماتيجو

ايمان:لا ياطنط ماتتعبيش نفسك انا هعملها

امه:روحي بس هتبردي

فدخل ايمن وايمان الحجره

ايمن :مش هعرف اخد هدومي هناك هتشوفني

ايمان :خلاص لف الناحيه التانيه واوعي تبص والله هزعل منك ياايمن

ايمن:حاضر خلصي بس بسرعه عشان تعملي الصاله دي

وفعلا لبسو وطلعو لامه وخدت ايمان منها نشفت الصاله

انتي تتغدي معانا بقي

امه:لا انا جيت اسلم عشان وحشتوني اوي

لازم اروح ع

شان حماده وايوه

ايمن :وانا هوصل ايمان لاهلها بليل واجي عندكو اليومين دول

وفعلا اتغدو ووصلها لبيت اهلها

ولكن ايمن وايمان كانو بيعطسو وعندما اشتد عليه البرد تذكر ايمان اكيد مريضه اتصل بها

لترد امها

والله يابني دافيه شويه ونامت

ايمن :ايمان سخنه

ولبس جري ليذهب لها

وادخلته امها لها بحجرتها

ليجلس بجانبها يجسها

ايمن :ايمان فوقي حبيبتي

ايمان:ايمن ايه اللي جابك فيعطس

اتصلت بيكي ماما قالت دافيه فجسته وانت كمان دافي

ايمن :هاتي مايه ياماما اعملها كمادات

امها:يابني انت كمان عيان

ايمن :مش مشكله انا مش مهم انا واخد علي كده

امها :ازاي بقي انت غلوتك زيها بالظبط اتاخري لجوزك ياايمان وهعملكو كمادات سوا

ايمان:يعني سيبنا السرير المتر جاي تشاركني بتاعي كمان

ايمن:الحق عليا اني اتخضيت وقلقت عليكي

ايمان:وتتخض وتقلق ليه بقي

ايمن :مش المفروض مراتي وانا اللي اراعيكي

وجاءت امها لتعملهم الكمادات الي ان ناما وغطتهم واغلقت الباب والنور