“Aray!”
Hindi pa man ganap na dumidilat si Keith ay napasabunot sa siya sa kanyang ulo, tila binibiyak ito sa dalawang parte. Sinabayan pa ito ng pamimilipit ng kanyang tiyan.
Ano ba’ng nangyari? Bakit ang sakit ng pakiramdam ko?
Isinubsob niya ang mukha sa unan habang nakakurba ang katawan. Habang pinipiga ang mga mata, may mga alaala na unti-unting lumilinaw sa kanyang isipan. Gayunman, iba ang turing niya sa mga ito.
Ang sama ng panaginip ko. Si Jude, sumasayaw. Samantalang niyakap ako at hinalikan ni Penny. Si Ladine naman, muntik ko pa raw galawin dahil kung anu-ano ang ginagawa niya sa ‘kin.
“Buwisit…” Napailing na lang siya nang tumihaya sa pagkakahiga. Ang huling naaalala niya’y tumungo siya sa bar pagkadating pa lang sa resort na iyon. Doon niya nakita si Penny, solo ito sa
