Sinadya ni Keith na umalis nang maaga kanina. Gayunman, hindi sa opisina ang kanyang sadya kundi sa himpilan ng pulis, partikular kay Inspector Pio na lubos na pinagkakatiwalaan ng kanyang pamilya.
Panahon na siguro upang itama ang pagkakamali na hindi niya ginawa dati. Ito ay ang isuplong ang babaeng nagtaksil sa kanya at sa kompanya. Kung dati ay natatakot siya na sitahiln ng ama dahil inilihim niya ang pangyayaring ito, ngayon ay buong tapang niyang haharapin ang pagpuna nito.
"Good morning," bungad ni Keith sa officer na nasa information desk. "Hinahanap ko si Inspector Pio. Narito ba siya?"
"Ano po ang sadya nila?" tanong nito.
"May ire-report lang ako, sir. Hangga't maaari siya muna ang gusto kong makausap tungkol dito." Bakas ang pagkainip sa kanyang tinig.
Tumango ito at ini
