Kilalang-kilala ni Irish ang business partner na si Jared Thompson. Kaya kapag hindi maganda ang mood nito’y madali niyang nalalaman.
Kaya nga labis ang kanyang pag-aalala nang hindi tinaggap ng lalaki ang pakikipagkamay ni Keith.
Ano bang problema niya? Bakit bigla na lang siyang naging masungit?
"Hm…Keith? Are you sure?" Nagsalubong ang mga kilay ni Jared. "I thought your name is Kanye. And the last time I checked, your girlfriend's name is Ladine. Not Irish."
Tila binuhusan ng malamig na tubig si Irish sa tinuran ni Jared. Ngayon, batid na niya ang pinaghuhugutan ng pagkayamot nito. Bakit ba niya nakalimutang nagkita na dati ang dalawa? At nang mga panahong iyon ay hindi pa niya alam na si Keith at Kanye ay iisa. Nasa loob pa ito ng RnJ at kasalukyang naka-deploy bilang hired husban
