Pinagisipan ko pa ng mabuti kung tutuloy ba ako o hindi. Nasa pagitan ako ng mahirap na desisyon hanggang sa lumipas ang oras ay iniisip ko pa rin ng mabuti kung tutuloy ako.
Kasabay nito ay ang pag-ensayo ko sa mahika ko.
Hindi ako makapaniwala na kaya kong gawin ito parang hindi kapani-paniwala dahil kaya ko nang palabasin ang liwanag sa katawan ko at ang pag-kontrol ng mga bagay sa paligid ko.
Ginamit ko ang isip ko sa pagpapagalaw ng maliliit na bagay dito sa kwarto ko, sinimulan ko sa ballpen, papel, tsinelas at libro.
Lahat ng iyon ay hindi ako nahirapan na gawin at manghang-mangha ako sa ginagawa ko. Ilang sandali pa ay halos lahat na ng gamit sa kwarto ko ay kaya ko ng iangat lahat gamit ang isip ko.
Ito ang ilan sa mga natutunan ko rin kasi kay Mikael na magaling magturo. B
