Ginawa niya ang lahat upang libangin ang sarili. Ginising niya si Savannah at sinabihan na pupunta siya ng palengke kasama si Patricia at manang.
Kahit na gusto pang matulog ng pinsan niya ay napabangon ito at sumama sa kanila, hindi niya alam kung bakit naging overprotective ito sa kanya, maging ang sandamakmak na guards ay laging nakabuntot sa kanila.
Maging sa pagluluto ng hapunan ay nag prisinta siya, kahit na panay ang tanggi ni manang ay wala itong nagawa dahil pagkalapag pa lang ng mga pinamili nila ay agad niya ng kinuha ang mga ingredients at naghanda.
Habang nakatingin sa kumukulong sabaw ay naglalaway na siya. Nilakasan niya ang apoy ng stove upang mapabilis ang pagkaluto. Takam na takam siya habang nakatunghay sa kumukulong sabaw ng sinigang na baboy.
"Kain na tayo," sigaw
