Mariin ang pagtanggi ng asawa niyang pumunta ng Cebu upang dumalo sa opening ng bagong resort, ngunit wala pa rin itong nagawa at sa huli ay na sunod pa rin ang gusto niyang dumalo ito sa opening.
"Sabi ko sayo na ayaw kung dumalo babe, bakit mo kasi ako pinipilit?" Ibinagsak nito ang katawan sa kama habang hilot ang sentido.
"Drake ngayon lang naman 'to, at isa pa dalawang araw ka lang naman doon," ani niya habang nakatayo sa harap ng asawa niya. Nasa bewang ang isang palad niya habang sumisenyas sa ere ang isang kamay. "Look, babe. After I gave birth hindi kana makakaalis dahil kailangan mo akong tulungan sa pag-aalaga kina A.D, Sophia at Theo."
Napabangon ito bigla at napatitig sa kanya, awang ang mga labi habang panay ang kurap ng mga mata. "Ano 'yun? Hindi ko masyadong narinig. Pak
