"Ha? Kayo na?" wika ni Allison. Hindi siya makapaniwala. Ang kanyang best friend at si Kevin ay magkasintahan na. "Kailan pa?"
"Isang buwan na," tugon ni Abbey.
"Isang buwan na pala tapos ngayon mo lang sinabi sa akin?" matampu-tampong saad ni Allison.
"Baka kasi may objections ka."
"Ngeeh! Paano ako kokontra kung si Kevin naman iyan?" Nilapitan niya ang kaibigan at niyakap. "Congrats, bes!"
"Thank you, bes. Ang bait ni Kevin. Ang hirap na hindi ma-fall."
"Iyan ang pinakamagandang desisyon mo sa buhay, ang bumigay sa pag-ibig," wika ni Allison. "Hindi ka na stressed masyado. Mukhang malaki ang naitutulong ni Kevin sa iyo pagdating kay Nanay Sandra."
"Naku, oo. Hindi ko na yata alam ang gagawin kung wala siya. Lagi niya akong inaalalayan sa lahat ng bagay."
"Si Kevin na ang hulog n
