Habang nakatingin si Lily sa kaniyang daliri ay naisip niya kaagad kung bakit nandoon si Ate Bettie kasama nila, wala naman nababanggit o nalalaman siyang kapangyarihan nito kaya napalingon siya at tumingin kay Master Lua. “Kung ganun, bakit nandito si Ate Bettie kanina? Nakita ko rin kung paano niya kinagat ang dulo ng hinlalaki niya at ipinahid sa scroll,” tanong ni Lily kay Master Lua.
“Ay hindi ba namin nasabi sa ‘yo?” singit ni Miss Kate kaya napalingon si Lily sa kaniya.
“Ano ‘yun?” nagtatakang tanong ni Lily at muling tumingin kay Master Lua.
“Maliban kila Kate at Lee ay biniyayaan din si Ate Bettie ng sarili niyang kapangyarihan dahil tapat sila sa akin lalong lalo na sa oras ng umaga dahil sa kaanyuan ko,” sagot ni Master Lua kay Lily habang tinuturo si Chief Lee at Miss Kate.
