“Apo, tikman mo itong luto ko,” ang hindi magkandaugaga na pag aasikaso ng mama ni Bel sa apo na ngayon lang nakilala at nakasama.
“Pagkatapos mong tikman lahat ng mga luto ng lola mo ay isinunod mo itong inumin, apo. Sariwang buko juice,” ani naman ng papa ni Bel ka Luke na hindi malubayan ng tingin dahil manghang-mangha sa hindi inaasahang pagdating ng apo.
“Lo, La, titikman ko po lahat ng ihain ninyo. Ang tagal ko po kayang pinangarap na maasikaso ng lolo at lola ko. Inggit na inggit nga po ako sa mga kaibigan kong may mga lolo at lola,” paglalambing naman ni Luke sa mga magulang ng kanyang nanay.
Niyakap naman ng mama ni Bel ang apong naringgan ng kalungkutan dahil nga ngayon lang nakaranas kung paano asikasuhin ng lolo at lola.
“Huwag kang mag-alala, apo at simula ngayon na dumati
