"Ano kayang problema? Bakit ang daming missed call ni Mama?" tanong sa isip ni Bel ng makita ang kanyang cellphone na maraming missed calls galing sa kanyang Mama.
Sa dami kasing iniintindi ni Bel ay hindi niya na magawa pa ang ibang bagay gaya ng kamustahin ang kanyang pamilya na nahaharap sa matinding problema dahil nga sa mga nangyaring masama sa hacienda Lozano.
"Anak, kamusta ka naman diyan?" ang text ng mama ni Bel na biglang nagbigay sa kanya ng kakaibang kaba.
Maya-maya pa ay naghanda si Bel para umuwi sa kanilang hacienda na bigla siyang kinutuban ng hindi maganda.
Wala si Jude dahil kanina pa nakaalis ng bahay patungo na sa kanyang trabaho.
"Zorro, pasensya ka na at ikaw lang ang maaasahan kong sakyan pauwi sa amin," ani ni Bel sa alagang hayop na pag-aari ng kanyang asawa.
