Nagtanong-tanong si Bel sa mga tauhan ng asawa niya kung may nakakaalam ba sa mga ito kung sino ang posibleng nakabili ng hacienda Lozano ngunit wala raw nakakaalam.
Gustuhin man ni Bel na magpunta sa kanyang mga biyenan para sila ang mga tanungin ngunit napakalayo naman ng bahay ng mga ito kaya hindi rin siya makakapunta lalo at wala naman siyang gagamiting sasakyan dahil pinagbawalan siya ni Jude na sakyan si Zorro kapag siya ay aalis.
"Pasensya na Ma'am Bel, hindi ko rin kasi alam kung sino ang nakabili sa mga Altamerano ng hacienda niyo," si Simang na sinadya rin ni Bel sa bahay kubo nito kahit pa noong huling punta niya rito ay parang hindi nagustuhan ni Kadyo na asawa ni Simang ang kanyang presensya.
"Okay lang, Simang. Nagbakasakali lang ako na baka alam mo o ng asawa mo," sagot
