Walang dala na damit si Bel para pampalit sa nadumihan niyang damit kaya nagtiyaga na lang siya na linisin ng malinis na tubig at matuyo na lang din sa kanyang katawan ang basang-basa na damit.
"Ma'am Bel, sana lumaban naman kayo sa hipag niyo. Hindi naman tama na magpa api ka na lang," payo ng katiwala kay Bel dahil nga sobra ang ginawa sa kanya ni Madeleine.
"Kuya Imo, hayaan na lang po natin. Kapag lumaban kasi ako ay hindi rin magpapatalo si Madeleine kaya hindi matatapos kaya hahayaan ko na lang siya para wala ng gulo," mapagpakumbaba na sagot ni Bel sa nagmamalasakit na katiwala ng nag aalaga ng mga kabayo ni Jude.
"Ma'am Bel, hindi po tama na hayaan na lang. Mamimihasa ang kapatid ni Sir Jude at lagi na lang kayong babastusin kapag hindi niyo sa siniwata," patuloy ni Imo na awang
