April 2002. Summer outing ng company nina Nicca. Sa isang tanyag na resort sa Batangas pumunta ang kanilang kompanya. Maliit lamang ang kanilang grupo. Hindi pa umaabot sa isandaan ang bilang ng mga employees kabilang na siya.
Bagamat kaunti pa lamang, naging maganda na ang kanilang samahan. Mula sa CEO, pababa sa mga team leads at team members, magkakakilala ang isa't isa. Sobrang ikinatuwa ni Nicca ang set up na iyon. Kahit anim na buwan pa lamang siya rito, proud na proud ang dalaga dahil ito ang unang kompanyang napasukan at napagtrabahuan niya, kompanyang may masayang kultura at may masisipag na employees.
"Nicca, uminom ka pa. Huwag kang mag-alala, aalagaan ka namin." Pasigaw na anyaya ni Erica. Malakas ang tugtugan sa loob ng hall na iyon. Kasama nito ang dalaga sa designated room
