SA RESTROOM ng restaurant kung saan iniwan muna ni ToV si Karina sa mga magulang nito ay nag-aayos ito ng light make up niya sa may malaking salamin, hindi naman na naiilang si Karina sa pamilya ni ToV dahil maganda ang pinapakita ng mga ito sa kaniya. Noong una, matapos umalis ni ToV kasama ang mga kaibigan nito ay biglang magbabago ang pakikitungo ng mga ito sa kaniya pero hindi nangyari ang kung anong iniisip niya, dahil kahit wala si ToV ay mabait sa kaniya ang mga magulang at kapatid nito at masasabi ni Karina na tanggap talaga siya ng mga ito.
Kay Chantal lang siya nakakaramdam ng pagka-ilang at guilt dahil alam niya ang nararamdaman nito para kay ToV, alam niya din na nasaktan ito sa mga nasabi ni ToV na alam niyang hindi rin naman sinasdayang sabihin ni ToV. Kahit sandali palang s
