KATATAPOS lang ng unang check-up ni Julia sa kaniyang OB. Bumaba siya mula sa bed at lalapit na sana sa nobyo nang magsalita ito.
“Uhh, Doc, I still have one question.”
Umangat ang kilay niya. Sa dami ng tanong ni Rob kanina, hindi pa rin pala ito tapos.
“Is it still safe for us to… you know, uhm—the private thing between us.” Hininaan nito ang boses pero umabot pa rin naman iyon sa pandinig niya kaya ganoon na lang ang pamumula ng kaniyang mukha.
Napangiti naman ang babae niyang OB na hindi na napigilang kiligin sa kanilang dalawa.
“Yes, it’s safe, Mr. Blackburn.”
Hinila niya ang kamay ni Rob, dala ang kahihiyan. Pinandilatan niya ito at halos kaladkarin na palabas ng clinic.
“Do you really have to ask that question to my OB?!” inis niyang sabi rito. Inunahan na niya ito sa
