-Sienna-
Nang makarating kami sa kuwarto ni Tyler, agad siyang kumuha ng pwede kong pamalit at ng malinis na towel bago ito iniabot sa akin. “Thank you.”
Dali-dali akong pumasok sa loob ng banyo, at hinvbad ang lahat ng damit na suot ko. Maingat kong tinupi ang mga ito at inilagay sa ibabaw ng counter.
Nang matapos akong maligo, isinuot ko ang boxer shorts at malaking t-shirt na pinahiram ni Tyler sa akin. Napakagat-labi ako nang mapagmasdan ang itsura ko sa salamin. Para akong nilamon ng buo ng t-shirt niya sa sobrang laki.
Nakayukong lumabas ako ng cr, at napahinto nang makita siya na nagkukuskos na rin ng towel sa kanyang basang buhok. Mukhang naligo na rin ito sa kabilang kuwarto.
“You always look beautiful in my shirt.” nakangiting saad niya, at bigla akong pinamulahan ng mukha,
