"Kuya Jeoff, ikaw ba yan?" ang hindi makapaniwalang tanong ng bunso kong kapatid ng makita akong papalapit sa apartment na inuupahan nila kasama ng isa ko pang kapatid na babae at ng nanay nila.
"Kuya, ikaw nga! Mabuti at pinuntahan mo na kami!" bulalas pa ni Cassy at saka ako sinugod ng yakap.
Inikot ko ang aking paningin sa lugar kung saan sila nakatira.
Maraming tao.
May mga tambay na lalaki na wala pang mga damit pang itaas. May mga babaeng nag uumpukan sa kung saan. At mga batang paslit nagtatakbuhan sa kung saan.
Marumi ang paligid. May mga masangsang at mabahong amoy na hindi mo maintindihan.
Malamang na hindi na kaya ng mga kapatid ko sa ama ang mangupahan sa mas disenteng lugar kaya sila napadpad sa ganitong klase ng lugar.
Hindi na rin ako magtataka kung naubos na nila an
