Hindi ako kinausap ni Jeofferson kanina sa sementeryo bagkus ay tiningnan niya lamang ako.
Nauna na rin silang naglakad ni Uno patungo sa kanyang dala-dalang sasakyan na nakaparada sa malayo.
Sumakay kami ni Dani sa sasakyan na dala ni Lander.
Tanong ng tanong ang anak ko kung sino ang kasama ng kuya Uno niya.
Sino ang lalaking bagong dating at bakit sumama ang kuya niya dito?
Ang daming mga tanong ni Dani na hindi ko masagot dahil lutang pa ang utak ko.
Pagdating sa villa ay nagpaalam na muna si Lander na magpapalit ng damit dahil nadumihan ang suot niya at babalik din naman agad. Inimbatahan ko kasi siya na dito na lang sa bahay maghapunan bilang munting pasasalamat rin sa kanyang naging pagtulong sa amin.
"Ma'am, nasa taas na po ng bahay si Uno at ang kasama ang kung hindi po ako
