"Nakausap ko na po, Ma. Pinipilit ko naman po na ipaayos o bayaran ang mga nasira ng mga baka ay tinanggihan po. Maliit lang naman daw po at sakto na raw na nagpunta na po ako para personal na humingi ng sorry sa kanya." Kwento ko kay Senyora Juana ng tanungin niya ako tungkol sa kung anong nangyari sa pagpunta ko kabilang farm.
Pumasok naman kami ng anak ko sa loob ng kanyang bakuran at sa mismong bahay na meron naman pala siyang mga kasamang kasambahay. Iyon nga lang at nasa likod bahay noong kasalukuyan kaming tumatawag ni Dani.
"Wala akong alam tungkol sa kapitbahay natin na yan. Ang alam ko nga ay may nagmamay-ari ng malawak na lupain na karugtong ng lupain na meron tayo. Binalak ko ngang bilhin pa yan dati. Ngunit hindi naman raw for sale ang sabi ng katiwala sa akin." Kwento pa ng
