Hindi rin nagtagal at umuwi na rin kami ni Senyora Juana ng villa.
Nagulat nga si Nanay Odet ng muli akong makita lalo pa at kasama ako ng amo namin.
Mas gusto ni Senyora Juana ang umuwi ng villa kaysa patuloy kaming manirahan sa lungsod kung saan kalat ang iba't-ibang pulusyon.
Mas mainam naman talaga na sariwang hangin ang malanghap namin ng aking biyenan sa aming maselan na kalagayan.
Si Senyora habang nagpapagaling ng husto at ako para naman sa aking pagdadalang-tao.
Sadyang hindi talaga mausisa si Nanay Odet.
Natuwa siya ng makita akong nagdadalang-tao na naman ngunit hindi niya na inulit ng hindi ko sinagot ang tanong niya kung nag-asawa na ba ako ulit?
Kahit hindi ko naman sabihin ay malalaman at malalaman niya rin.
Nang tinanong niya kung nasaan ang anak ko ay inamin ko nam
