فصليه

20

ركع الباب وطلع ..

كمت اعدل باب الكنتور ..لان .دفرة ونوعجت .واحجي عليه مخبل الله بلاني بي ..اوف ربي شوكت اخلص ..

انفتحت الباب طب من جديد ..

اني اخترعت وخفت منه اعرف نضرته هاي ..

ضليت اباع عليه ..

شجاي اسوين ..

كمت امتمت ..داعدل الباب ..

وخري ..

وخرت ..عنها ..

دفرها ..دفرتين ..وكعت الباب ..

عوفيها هيج احسن ..

انطيني السويج والسبحه ..

اريد ادنج ..اجرهن كمت ارجف لا يض*بني ..

مو علمودي علمود الطفل ..

انطيته اله ..

كال ..اريد اشوف يامرة تطلع من البيت ..لا اكطم رجلها مو ا**رها ..

عصبي نار ...شحجي وياه ..

عادي ..روح لشغلك ماعطلك ..

قسم بالله ليال اذا طلعتي لا اخلي عاليها واطيها ..

فهد ..لا تهدد روح ..

سكت ..ورجع كعد ع الميز تواليت ..اباع ع رجله ..يحرك بيها ويلعب ب*عرة ..ولحيته ..

اوووف ليال اوووف طكتي كلبي ..

ليال ..صدكي ..وراس شبل مصار شي ..ماتدنه نفسي ع ملاك ..مو رشا عاد

مرتك هم فهد ..

كمت ابجي ..

اني دايرة جسمي عنه والم بجنطتي ..وصلت وياه لدرب مسدود ماتحمل بعد منه شي ..اريد ارجع لاهلي لحضن امي لابويه تعبت من كل شي ..

ليال ..اني اسف ..عفتج البارحه بس والله الحجي ضغط ..عليه ..ويحجي ..علي ..يكول مقصر الله مايقبلها حتى اجادلت ويا ع ام عامر ..بس ذب حملها ارجعها مابقيها وعيونج لا تبجين يابعد ..رويحتي ..

بدة صوته ينصى ..وبدة الدفو بي والحنيه ..

جاوبيني ..تعوفيني ..

اني ابجي ..

ليال ..لياااااااال ..

تذكر من خليت بيني وبينك حكم ..وشفت شلون حكم بيناتنه ..راح ارجع احكمه عليك ..اذيتني هوايه ..

ولك نسبه الالم ماتنحمل لا اني الي راح اصحه من هلوجع ولا طفلي ..ولك شكد ظالم ويايه شكد ..

فهد ..قررت ..انسحب من حياتك ..

اجه لزمني من اجتافي ..

اخذت نفس كتله ..وخر ايدك لا احرك روحي وتبتلي بيه ..

ليال كافي ..والله مالمستها ولا طخيتها ..خرب بلحظ من ساعه السودة ..مرمرتيني من صباحيات الله ..

ولج جاي احلفلج ..شبيج ..

مو شغله صار شي ..ماكدر اتحمل بعد ..تحملت هوايه وطاقتي وياك خلصت ..

عوفني وابقى بعيد عليه ..

روح الها ..وحبها ..وهيه تحبك ..

عوفني .فهد وعيش حياتك اني هم اريد اعيش

.ماريدك بعد ..

اني احارب بيج فيلق لو النصر لو الشهادة ..

حجي حجي ..كومه حجي ..سمعت منك

واني حتى ..اهلك ممنوع احجي وياهم ..

وتريد اتحمل وجود رشا بحياتنه ..

ولك شكد اناني انت ..

من شنو مزروع انت ..

بس انه احبج.واغارعليج من الهوى بس ..ماكدر ا**ر كلام اخوي.الي رباني افهمي عدل ..

الصوج من اديه ..برشا ..جا طلابه ودم وماخلصت منها ..

ليش تقربت الها اذا تحبني ..

ماتقربت شبيج ..

لعد مين حبلت ..

ليال سالفه قديمه ..

اي اقصد القديمه اني ..

ليال افهمي ..جا شون لعج انعاب انه ..وانتي السبب بزواجي

افهم افهم ..

لا متنعاب و اني السبب هم عادي ..

كملت ..بس البس ..هدومي ..

ووديني ..اليوم واذا متوديني اني اطلع ..

حتى ....

اي كمل حتى شنو تض*بني ..

لا ماطكج ..بعد ..لو اموت ..حلفت وتراب ابوي ..ماطكج .

ولج ليله شجاج ..ويايه ..والي خلقج انه بس الج ..

كتله

انت مدتفهمني ..ماتحمل بعد ..لو تكولي ..هلو ماتحملها منك ...

خوش يابنت العالم انه طالع بشغلي ..وارجع اوديج لهلج ..

الي تردي يصير من عيوني ..

بس اسمعي شي ..انه ماكدر بدونج ليله ..

انه احبج ..وانتي بس الي بعيني ..

وحك الي خلقج ..نزلت على رشا فينت حظها ..شحاجيه الج من الصبح وهجتي علي ..

وبعد لا اطب غرفتها ولا اروح ..

بعد شسوي الج. .ليال ..تعبت وحرت وياج ..

يعني ..ماجاي اعرف الي تردي شنو لا صدكين بيه ولا تسمعين مني وبس تاذيني بكلامج ..شصير انه بين نارين ..

انتي الي احبج ..واريدج

وهيه ..عدها حق وياي ..بس مااحبها

كتله انت غلطت واتحمل ..غلطك ..مايلام الحجي من كال زوجوني طلكوني ..

ليال كافي شتردين اتوسل بيج ..

لا ماريد تتوسل ..

اريد ارتاح منك اريد انام صار سنه منايمه وممرتاحة تهسترت اريد اخلص منك .تعبت منك افهمني ..كل شي بيك تعبني ....

يعني شتريد عادي تروح تسهر يمها و.اني احتمل علمود وتجيني ثاني وتريد مني اججي وياك واسولف ..

تريد اصير خرسه وياك وعميه ..حتى فهد ابن الشيخ يرتاح مو .....

عادي تمشي ..ويايه اعوج وياها عدل وهيه حارت شسوت بيكم بس علمود بنت شيخ مو ..

وعادي ..البارحه الليل كله منايمه منك وابجي عادي لان اني سهله بايدك مو ..جاوب احجي ..

ولازم انجب واتحمل مذلتك واذيتك لان اني رخصت روحي الك حتى ماخسرك ..

سكت ..كال لا مو عادي ...

اويلي كل هذا ..شايلته عليه .منسيتي شي ..

كعدت بلكاع ..الغيرة تحرك الاخضر واليابس فهد ..

انت حركتني وياهم ..

جيت تكول حامل ..

اذا اضوجك ساعه تروح لغير حضن ..

تدري شتمنى ..انتمى الطفل يموت بطني وميجي لهل دنيا

الي امه تعذبت بيها ..ماريد شي يربطني بيك ..

جاوب بكل هدوء

خلص ليال ..فهمتج ..

..اكمل شغلي ..اوديج ..

حضري نفسج بين ماروح اكمل شغله واجي ..

عافني وطلع ..

صعدت سهام ..كومتني ..

ولج شجاج خيه ..حرام الي تسوي ..شنو ذنب الي بطنج ..

ودتني للحمام ..غسلت وجهي ..ورجعتني للغرفه

كتلها ..سهام .علاكه الدوة.جسمي كله يرجف ..

ركضت جابتها وانطتني مي ..

شربت مهدئ ..حتى اعصابي ..تهدة ..

وخليت راسي ع المخدة ..

تعبت من الحجي والبجي ..ومنايمه قبل بيوم ..

ضلت يمي سهام وتمسد ع راسي وتقره ايات ..

كتلها اريد امي ..مشتاقه الها ..

اخابرها الج ..

لا اريدها ..

مين اجيبها ..الج ..ليله نامي فدوة اسم الله شجاج ..

انتي تريكتي ..

هزيت براسي لا ..

عزة بعينج لا توكعين ..علينه

ولج لا فهد يفيدج ولا غيرة المهم صحتج خيه ..

ماريد ...مجوعانه

شتحسين ..

مرتاحه ..

يااا..لعد فهد رعصني كال صعدي ..يمها ..راح تموت ..

ولج شسوة ..برشا كدام الكل ..طيح حظها ..وحظ اهلها ..

تاليه اتعارك وي الحجي ..وطلع ..

ميهمني ..شي ..كمت اصفك بايدي خلص ..

ابقي هسة جايتج ...

نزلت ..وصاحت وحدة من بناتها يمي ..

اني اباع عليها مثل امها حلوة وتلعب يمي وتحاجيني ..

ماعرف ..احسدها ع عمرها لو انقهر عليها من تكبر تنظلم ..

صعدت مصعدة صينيه متروسه اكل ..

كزمي اكلي ..لا يموت الجاهل ابطنج ..

ماريد سهام..

لخاطري ..بداعتي ..

ماكدر والله ..

كمت ..كوة اكلت ..وتضغط عليه بلاكل ..

ورجعت نمت حتى مابيه اغسل هلكد ماعصبت ..وانهاريت ..احس جسمي خدر ..وراسي يطن ..

نمت ..حسيت الطفل يتحرك ..اول مرة يتحرك عندي ..تاخر بلحركه ..هوايه ..جانو يكولون عادي ..

وجنت ارجع مابي شي ..

احلى احساس واجمل احساس نسيت بي كل شي ..

من يم صرتي يض*ب ..

اووي ..فدوة ولزمت بطني واضحك

كتلها تحرك ..

كالت يمه منو ..

الجاهل ..

عزة بعينج ..خرعتيني كلت شتحرك ..

يمه ساعه المباركه يوم تفرحين بشوفته ..

صعد ابنها يمه يمه جوالج يدك ..

جاوبت ..هلا ...بخير

اني بديت اغفي ..

دغتني سمعي ...

فتحت سبيكر ..

فهد يجر حسرات ..تعبت سهام ..والله تعبتني طفله وتدلل علي ..شسوي الها ..سمعتني حجي ..غثتني..ماترهم بعد ..

كالت ياخويه ..ماعرف شكلك ..حركت البيت وتعاركت وي رشيوة وهنوب رجعت ع الحجي ..وغثيته ليش ماتعرف تصرف انت دومك عصبي وتسرع ..مو انت كلت زوجوني هاي تاليها

واني شمعرفني راح احب هلطركاعه ..

ضحكت سهام ..انت وين ..

بسيارة ..رايح للمكتب ..

شنو ..

شتسمع اغنيه ..

اسمعي انتي .شسمع ..

..من تزعل توحشني الدنيا ..واتصور غيرت اضنونك ..ومن ترضى يضل الشوك البيه ذوبني بنظرات عيونك ..

الله الله شنو هاي ..

مخنوك ..والله

طاك كلبي سهامه ..شونها هسة ..

وكلتها لكمه ونزلت ..

اني داسمع وساكته ..

عينج عليها بروح اخيج ..امانه بركبتج ..

لا توصيني ..

انه اكمل شغلي واجي اخذها لاهلها ..

كون هيج اطكها واطلع حركه كلبي بيها ..عطبتتي من للصباحيات..

ههههههه يمعود شبيك ..

مابيه بس قفلت ..بعد ..

الله كريم فهد ..لاتهم روحك ..

اني عيوني كوة فاتحتها ..

سدته كالت سمعتي ..

كتلها اي ..

يحبج ..

اعرف ..

جا ليش تاذي وتاذين حالج مسودنه ..

لان اني هم احبه ..

جا حبكم ..مو مال وادم ..عاقله ..

لزمت اديها ..سهام ..ابقي يمي عفيه ..لحد مانام ..

اسم الله شبيج ..ضاله وعيونج جا انتي بنيتي ..

غمضت عيني وبقت الاغنيه براسي ادندن بيها من تزعل ..

وشبل يتحرك ..كلبت روحي ..بطل يتحرك..

لحد ماغفيت ..

حسيت دنيا لليل ..كمت مصدعه ومت**رة من النوم ..

جريت الفون ..شفتها ساعه 7اويلي ..

الوكت كله اني نايمه ..

كمت ..فتحت الضوة ..وباوعت الباب م**ورة ..

مال كنتور ..شلتها ..هيج ..خليتها ...

اخذت ..هدومي وطبيت سبحت اريد اصحصح ..

كملت طلعت ..

الفوك هدوء ماكو احد ..الظاهر الكل جوة ..

رتبت روحي ..

ورحت ع جنطتي رتبتها ..وخليتها ع جهه ..

اريد اشوف شوكت يوديني ...

وطلعت من الغرفه ونزلت جوة ..

المطبخ فارغ ماكو احد ..

بس بللستقبل ام عامر وفاطمه والحجيه ..

من شافتتي فاطمه ركضت عليه ..

جرتني وطبت للمطبخ ..

شكو ..

كالت شونج ..

اني زينه بس مصدعه ..

وكفت ع الطباخ ..

كالت خلي اسويلج لكمه ..

شكو فطوم ..

فاطمه ..جانت ..قصيرة وسمرة.وشكلها زين ..

بس قصيرة كلش ..

كالت ..مصايب ..

خير يارب ..

فهيدان تعارك وي الحجي ..

ع شنو ..

ع المكموعه رشيوة مايرديها ..

هااا.

اي وانتي كاضيته اليوم كله نوم شجره الج

مابيه شي..بس مصدعه ..

وينهم هسة

..بلديوان ..

وفهد ..

يمهم ..

سهام وباقي البنات ..

حلا ورشا بغرفهن ..

وسهامه راحت ..لسوك ..جيب غراض ..

هااا .

شصار بيناتكم الصبح وطبلنه فهيد بارودة ..

مصار شي..

ليله ..ترة رشا مالها ذنب ..لا تظلمين الظلم ..مر ..

سكتت ..

كتلها ماظلمها بس راح انسحب ماكدر ..

جابت الاكل حطته كدامي ..اكلي .خيه ..

لا تكرهين روحج ..صيري انتي ام الراهي ..

جا ع**يها عليج ..وشوفي ..هيه حبلى خوما يشمرها ..

كعدت اكل ..جنت جوعانه كلش..

ومسوين برياني ...

مجاوبتها .واكلت ..

شويه وطبت سهام..شايله علاليك ..هيه وجهالها ..

يمه نفض كلبي من السوك ..

ها خيه كعدتي ..

ي ..

فدوة كلاص مي عطبت روحي ..

كعجت يمي ..

كالت ..حللت هسة طلعت حبلى ..

ضحكت بوجهها ع الخير حبي ..

ياخير ..

هلمشاكل مناويه تفض ..الحجي كلب الدنيا ع فهيد ..

طبت ..حلا ..

كالت ..ليال ..اريدج بحجايه ..

سهام كالت خير ...

اني سكتت ..

داكمل اكلي ..

كمليراكلج وتعاي لغرفه رشا ..

انريدج بحجايه ..

وراحت ..

سهام كالت ..شنو راح يذ*حنج ..

اشرت مادري ..

راح ترحين ..لرشا ..

اي اروح ..

اجي وياج ..

لا اني اروح ..

كملت اكلي وغسلت المواعين ...وغسلت ..

وطلعت ..رحت يم رشا جانت كاعدة وحدها ..

والظاهر عيونها ورارمات من البجي ..

طبيت سلمت وكعدت ..

رايدتني بشغله ..

كالت اكعدي ..

اسمعج رشا ..

اجت يمي كعدت ..

ليال ..ماريد اطلك ..فدوة لعينج ..مالي شغل بيج ..

وتبجي ..انه هم حرمته ..مو بس انتي ..

وانه اعرف يحبج الج ..بس انه ماللي ذنب بكل شي .

سكتت..شكولها ..

كتلها اني ماتحمل ..

كالت هذا كلامج ..حرك الدنيا ..يكول ماريدها لرشا ..

صدكي لا اجي يمج ولا احاجيج ولا اغثج بس كليله لا يعوفني ..تعرفين اذا اطلك شنو ..

وانه هم حامل منه ..لا ت**ريني انه واكعه عليج دخيله .

وصدكي مالي شغل بيج بس خلي يحن عليه شويه ..

لا ت**رون بختي ..

بفيت ساكته شريد احجي وشريد اكول ..

كمت اطلع ..كالت ..شكلتي ..

انداريت عليها الله كريم ..

طلعت من الغرفه جانت حلا دطب بيها ..

عفتهم ورحت للمطبخ ..

سولفت لسهام ..

وكمت اشتغل وياهم اريد التهي ..

الي عرفته ..مايقبل اروح لاهلي ..

واذا رحت يطلك رشا ..

صفنت بيها رشا هم مالها ذنب ولو جانت تاذيني ..

يعني ..اني هم بين نارين ..

مو بس هوة ..

تلاثتنه ..حايرين ..ولازم واحد يضحي ويدوس ع نفسه ..

حضرنه العشا ..

اني اتصلت باهلي وطلعت ..برة ..بلحديقه اريد هوى اختنكت ..من البيت ..

هلو ماما شلونج حبي مشتاقه الج

هلو ليلو ..تمام احنه بخير ..

ماما منو يمج ..اريد احجيلج سالفه ..

شكو ليال شصاير ..

ماكو بس اريد وحدج ..

لحضه ..واسمع هوسه يمها ..

يلا بنيتي احجي ..

شكو شصار ..

تعبانة ماما مخنوكه ..

اسم الله شبيج حبيبي ..احجي ماما اسمعج ..

حجيت الها كل شي وماضميت حرف ..

اووف ..

كل هذا ضامته ..شلون متحمله ..

زين هوة شيكول ..

محاجيه ويا بس يهجرها ..لرشا ..

ليال ..قرار صعب ..اذا ..تبقين ويا تتعذبين واذا تعوفي تظلمين نفسج وتظلمي.وياج ..

زين ليش ماتجين يمنه كم يوم ترتاحين

اي راح اجي ..

تعاي يمنه ..ارتاحي سودة عليه ماشفتي راحه الله لا يوفق عمامج ..

هوة يحبج ..

اي ماما يحبني ..

هوة يحبج وانتي تحبي ..وغلط وزوج ..اووف حلقه مسدوة ..تعاي ماما يمنه ..والله كريم ..

ماما اني كلت الج ماريد اقهرج بس بعد مابية اسكت ..

لا تكولين لابويه ..من اجي افهمه ولا تنقهرين الكل يحبني ..ليال ادري يحبوج وشفته شلونه وياج ..

ماما توكلي ع الله هوة الي يريح بالج ..

اي ..

حبيبي ليلو لا تغثين نفسج وتفكرين تعاي ويصير خير ..

اي ..

ماوصيج ..بعد ..لخاطر الي بطنج خطيه ..تمرمر

لا ..ماهتم ..

وختمته وياها ..وبقيت كاعدة بلحديقه ..

اشتم هوى وادعي الله هوة يحلها ..

الي ..ذبيت كل حملي عليه ..

طبيت جوة ...

صبينه العشا وكملنه ..

وجوي الرياجيل وكعدنه كلنه بلاستقبال ..

فهد عينه عليه ..وبس يريد احجي ويا ..

كعدت يمه وطلعت رشا هم كعدت .واكلنه بهدوء محد حجة ومحد كال شي ..

اني فكري كله بقراري اريد حل اني هم تعبت مو بس همه ..

كملنه كل شي وشلنه الصواني ..

سويت كيك اريد شويه الهي ايدي ..

كاعدين يسولفون الظاهر اتصافو بيناتهم ..

اني ماقبلها ....يجاوز ع الحجي مهما يكون اخو وهوة الي رباه ..من مات ابو ..

بقينه لليل سوالف ...بس اني بلمطبخ ورشا يمهم ممهتمة لشي ..

ضليت افكر بكلشي انحجه ونكال من اول يوم لليوم ..

ولازم اخذ قرار ..

كملت شغلي ..

وصعدت ..فوك بغرفتي

6

شويه وصعد وراية فهد ..

بدل هدومه وكعد يمي ..

كال ..خلص ليال الي تردي يصير الج ..باجر انتي يم اهلج

راح اوديج يم اهلج وبعد ماضغط عليج ..

انة هم تعبت ..وانتي تعبتي ..وسمعت منج حجي مسامعه ولا راح اسمعه ..خلص ..بعد

ورشا ؟

مالج شغل بيها عليج بنفس ..

بس كلامه بي حديه ..وضايج ..

هسة انه ..صعدت والحجي راح يحاجي رشا ويفهمها

بكل شي ..

جا هوة حب لو مذله..انتي مجاي تحسين ع نفسج الي سوي بيه ..عمي لا كفرت ولا سويت شي ..حلفت ماكو شي ماتصدكين ..وان صار هاي حلالي هم ..انتي مجاي تفهمين عليه ..

وانه الي تعبت ..غلطت وهاي ..اتحمل الغلط ..

وانتي مامحبورة ..تتحملين ...

اني ردت وكت ..حتى افكر وارتاح بي ..

كتله اي فتهمت ..فهد ..

كتله راح انزل نسيت فوني جوة ..اروح اجيبه

هوة مدد بفراشة ..

نزلت جوة ..غرفه ..رشا ..يم الدرج ..

شفت الحجي واكف بلباب ..

اني ..بقيت واكفه ..ورجعت شويه لا يشوفني ..

ضل واكف وراها ..راح ..حتى مطب ..عليها..

وكانما واحد ديسمع حجي ..

اني استغربت الحجي ميسويها ..ويسنط ع احد..

راح ..اني نزلت ..اباع ..عليه

شفته طب بغرفته ..

رحت جبت فوني ..من المطبخ

وضليت حايرة شعندة الحجي ..وواكف يسمع..

عزة طلع مثلنه يسمع اخبار ..ويسنط ..واضحك

من صعدت ..طلعت ..حلا من يم رشا ..

باوعت عليه وراحت ..

اني صعدت ..

راسي يفر خاف اني ..مرتاحه ..هنوب طلعتلي هلسالفه

طبيت بلغرفه ..

مسطورة ..جان شديسوي ..الحجي ..

هنوب حتى فهد..بعد ماسمعت اله ..

اكوله شفت الحجي يسنط ..لا شكوله ..شعلية اني

كلي شبيج كتله لا ماكو شي ..

فهد بقى ..يحجي

روحي ..لاهلج ..عبالك راح اموت بدونج ..

ويرجع يكول ..تهدديني يوميه اروح واروح وطلكني ..

عبالك ..اموت ..والله يالله الي خلقج خلق مثلج هواي ..

اني اضحك ..لان يسال ويجاوب نفسه ..

هاي ضحكين علي ..

لا ..

انه جدي ..مشتعل وانتي اضحكين ..

مو جاي اكولج ..تلعبين علي وعلى اعصابي ..

فهد والله غير حسبه ابالي ..

جا خوش ..وشني حسبتج ضحكينه وياج

هيج ..ماكو شي ..

ويدخن ..جكاير ..

اني كل ..فكري ..مو يمه ..

وساعه اضحك ع سوالفه ..

وساعه افكر ..بلي صار والحجي ..

يعني شكد ياذي بيه ..ويقهرني ..بس يبقى ..اله بكلب ..مكان ..يوجع ..

شكد اريد ..اضغط ع نفسي واغلس ..اضعف ويا ..

بيومها نمنه ..واحنه لا المزاعلين ولا المصالحين ..

ثاني يوم ..ورة الريوك ..

الحجي اجه ..علينه

كال فهد .اليوم تاخذ ..زوجاتك وتروح للطبيبة ..

فهد كله ليش ..شبيهن

كله مثل ماكلك سوي هاي وكعت وهاي ..اطمئن عليها ..

وسهام تجي وياكم ..

فهد مكال شي ..

كله مو اريد اروح اوديها لاهلها ..

كله اجلها ..

حجي ..

كله مثل مجاي اكلك ..

رشا كالت حجي مابية شي ماروح انه ..

كلها اثنينجن ترحن ..

ضجت اني علمود مارحت لاهلي ..

وبقيت ادردم ..وي روحي ..

للعصر اجه ..فهد..

وطلعنه اني وسهام ..ورشا ..للدكتورة ..

وللحكاية بقيه ..