TATLONG araw nang hindi nakapapasok sa trabaho si Mirathea dahil sa pagkakasakit nina Faith at Hope. At sobra-sobra talaga ang pag-aalala niya para sa mga anak niya lalo na kay Faith.
Mabuti na lang at laging nasa tabi niya ang pinsan niyang si Carla at ang asawa nitong si Derick.
Nagpasalamat siya at nakalabas na kanina si Hope ng hospital at nasa bahay na ito ngayon nina Carla at Derick . Doon muna ito habang nandito siya sa hospital para bantayan si Faith.
“Dumadami na ang cancer cells sa katawan ng bata, Thea. Kaya hangga’t wala pang possible donor ng bone marrow ay mag-a-undergo muna si Faith ng chemotherapy.”
Napasinghap siya sa sinabi ng Oncologist. Alam naman niya na mangyayari talaga ito kay Faith dahil binalaan na siya ni Dra. Santibañez sa posibleng mangyayari, but why does
