HINDI alam ng babaeng napagtanungan ni Mirathea sa may information desk ng Fortalejo Medical Center kung saang Simbahan ikakasal si Dr. Fortalejo, kaya hindi niya alam kung saan pupuntahan ang lalaki.
Ngunit kailangan talaga niyang makita ang lalaki at makausap. Kung kinakailangang suyurin niya lahat ng Simbahan dito sa Maynila ay gagawin niya.
Palabas na siya ng hospital nang maalala niya ang kapatid nito.
Inilabas niya ang kaniyang cell phone at mabilis niyang hinanap sa internet ang bahay ni Mr. Drake Rafael Fortalejo.
Nang makita niya ang address ng bahay ng lalaki kung saan ito nakatira kasama ang asawa nito ay mabilis niyang pinara ang taxi na paparating.
Sumakay rin kaagad siya nang huminto ito sa harap niya.
"Saan po tayo, Ma'am?" tanong sa kaniya ng taxi driver.
"Forbes Sub
