Tahimik na nakaupo si Dimitri sa kanyang wheelchair sa tabi ng bintana, pinagmamasdan ang mga ulap na naglalakbay sa langit. Minsan, pakiramdam niya siya lang ang natira sa mundo. Nawalan siya ng ina, kapatid, at ngayon naman tumayong ama niyang si Rafael ay sumakabilang-buhay na rin na hindi man lang siya nakitang okay na..
Siya lang ang nakaligtas sa aksidenteng jyon—at iyon ang pinakamasakit na katotohanan.
Ang dahilan kung bakit siya nawalan ng gana mabuhay.
Noong mga unang taon, halos wala siyang malay. Nakatulala lang, walang pakialam kung lilipas man ang oras o hindi. Pero kahit nasa ganoong kalagayan siya, naririnig niya ang tinig ni Jade. Ang pinili ni Papa Rafael na maging asawa niya at hindi sumuko sa kanya, araw-araw kinakausap siya, kahit walang kasiguraduhan kung maririni
