HINDI MAPIGILANG hindi magtaka ni Mercilita nang hilahin siya ng ina ni Sebastian. Natatawa na lamang siya sa kakulitan nito. Mukhang nalasing na ito kaagad at hindi na mapigilan ang kakulitan.
Dinala siya ng ginang sa sala ng mga ito. Ito ang pangalawang punta niya sa bahay nina Sebastian. Ang kaibahan nga lang ngayon ay may relasyon na sila ni Sebastian hindi tulad noon na nagkagulo sila nang dahil kay Pinky.
Ngayon n'ya higit na na-appreciate ang ganda ng bahay at ang pagkakadesenyo.
Ginagap ng ginang kanyang kamay. Bahagya nitong pinisl iyon.
"Mercilita," tawag sa kanya ng ginang kaya tiningnan niya ito. Hindi niya maintindihan kung lungkot ang nakikita niya sa mga mata. Inisip niya na lamang na baka dahil sa ininom nitong wine kung kaya malamlam ang mga mata nito. "Sana hindi mo
