PUMUNTA sa bangko si Sebastian pagkatapos niyang malaman ang lihim ni Tito Leo. Kailangan niyang umaksiyon kaagad kung ayaw niyang mawala sa kanila ang lahat.
Plano niyang kausapin ang manager ng bangko tungkol sa bank account na binuksan ng kanyang ina nang umuwi ito sa Pilipinas. Mabuti na lamang at marami siyang koneksiyon kung kaya magagamit niya ang mga iyon.
Ilang sandali pang paghihintay ay dumating na ang kanyang gustong makausap. Tumayo siya upang batiin ito.
"Good morning. I'm the son of Marietta Vasquez. Sebastian Lagdameo,” pakilala niya sa kanyang kaharap. “Gusto ko lang sana ipabatid sa inyo na siya ay comatose ngayon at nakaratay sa hospital,” wika niya sa babaeng kanyang kaharap.
“Have a seat,” wika sa kanya nito kaya umupo siya sa kanyang kinauupuan. “I’m sorry to hear
