UMIIYAK SI RITA habang iniisip niya ang paghaharap nila ni Leo. Hanggang ngayon ay hindi n’ya lubos akalain na magagawa siyang saktan ng lalaking akala n’ya ay mahal na mahal s’ya. Nakauwi na s’ya sa bahay. Sa bahay n’ya na lang minabuting magpahinga. Halos mag-isang buwan din siya sa ospital at nasusuka na s’ya sa amoy roon.
“Rita,” tawag sa kanya ng ina ni Mercilita.
Nakangiting tiningnan n’ya ito.
“May bisita ka,” wika pa nito kaya napakunot noo s’ya. “Hindi ko na muna pinapasok at baka ayaw mong makita,” dagdag pa nito.
Tumayo s’ya mula sa sofa at lumapit dito.
“Sino?”
“Si Asuncion,” sagot nito sa kanya kaya napaismid siya.
“Samahan mo ako at baka atakihin ako sa babaeng ‘yan,” wika niya.
Sabay silang pumunta sa gate. Hindi nga nito pinapasok si Asuncion at nasa harapan ito
