اصطحبته رنين بفرحه عارمه وهى تريه القصر لتقول : تعالى أوريك أوضتك وبكره ليليان توريك القصر
ذهب خلفها حتى وصلت أمام غرفته ، فتحتها برفق ثم اضآت النور ، ذُهل من هيئة الغرفة وجمالها
فتحت ذراعيها وهى تقول : هى دى أوضتك وأخيرا دخلتها بعد السنين دى كلها
اخرجت اللفافه من الدولاب قائله : هى دى الذكرى الوحيده إللى كانت بتهون عليا
أدخلته لجزء خاص بالملابس أثار اندهاشه من ت**يم الغرفه الرائع ؛ قالت وهى تشير إلى أحد الأركان : دى هدوم الطفوله إللى ملبستهاش
انتقلت الى جانب آخر لتقول بدموع : دا لبس المدرسه إللى ملبستهوش
اخذت تشرح وتشرح حتى وصلت لآخر ركن : ودى هدومك لو مش عجباك تقدر تغيرها ؛ انا كنت بجيب لك زى مصطفى
أحس بكم وجعها ، أصعب شىء هو ما تمر به الآن
اقترب منها وهى محتضنه ملابسه ليأخذها بأحضانه برفق ، بكت وهى تقول : أنا امك والله ! والله أنا امك
وجد نفسه يجيبها قائلا : خلاص يا ما
