Sumapit na ang dapit-hapon at saka pa lang nakaramdam ang dalaga ng matinding pagod. Tinapos niyang lahat ang ibinigay sa kanyang trabaho ni Stefano para wala itong masabi sa kanya. Bumalik siya sa kubong pinaglalagian nila at nagpasyang magpalit ng damit dahil basa ito ng pawis sa maghapong pagtatanim. Ayaw naman niyang umuwi sa mansion na sa habang nasa biyahe ay kapwa sila sumisinghot ng natuyong pawis sa loob ng sasakyan. Nagtungo siya sa maliit na banyo at naglinis muna ng katawan para mapreskuhan. Nang maulinigan niya ang boses ni Stefano ay binilisan niya ang ginagawa para makalabas kaagad. Ayaw niyang paghintayin ito nang matagal. Nagbihis siya ng maiksing high waist short at tinernuhan niya ng knit crop tank. Nagwisik siya ng kaunting chanel coco mademoiselle sa pulsuhan at sa lee
