Dumating ang sumunod na araw na hindi ko man lang namalayan dahil sa sobrang pag space-out ko. Buong magdamag ay nakadilat lang ako at hindi man lang tinablan ng antok dahil sa nangyari kagabi.
Paulit-ulit na pumapasok sa isip ko ang nangyari kagabi maging sa pagpasok ko sa academy.
Matapos kong bumitaw sa pagkakayakap kay Allen ay tinignan ko ito at mahinang humingi ng paumanhin.
Walang imik itong nakatingin sa akin na tila nagulat sa ginawa ko. Kinuha ko ang nahulog niyang airpod at hinawakan ang kamay nito at hinila papunta sa table ko.
Pagkaupo ay naaninagan kong tumalikod si Kyle at bumalik sa inuupuan niya. Hindi ko na rin ito nilingon at tinignan na lang si Allen. Ngumiti ako dito ng alanganin at mahinang nag sorry.
Nakatingin lang ito sa akin at hindi umiimik kaya sinundot ko
