Ang araw ng inagurasyon ng UST Museum and Gallery ay punô ng liwanag na dulot ng mga nagagandahang mga ginintuang chandeliers, halakhak, at mga bulungan ng paghanga. Ngunit sa ilalim ng marangyang selebrasyon, may di-maipaliwanag na bigat na nakadagan sa dibdib ng bawat miyembro ng Friends Club. Ang bawat yapak nila sa marmol na sahig ay tila may kasamang alingawngaw mula sa nakaraan—isang nakalibing na lihim na ayaw nang muling magising.
Habang isa-isang naglalakad ang mga bisita sa loob para sa tour experience, hindi mapakali si Dandred. Parang sa pakiwari niya, lahat ng mata sa paligid niya ay nakatuon sa kanya. Pinagpapawisan ang kanyang mga palad kahit malamig ang aircon ng bulwagan. Ang bawat pintig ng puso niya ay mabilis, mahigpit, at tila may kasabay na yabag na humahabol sa kany
