CLAIRE
“YOU’RE WHAT?” TANONG ni Papa sa amin.
Nandito kami ngayon sa study ni JP at naka-speaker si Ninong Pablo. Nasa New York siya at papatulog na pero biglang nagtimpla ng kape pero nanatili siyang tahimik sa kabilang linya. Ang tanging maririnig lang kanina bago nagsalita si Papa ay ang tagiktik ng wall clock sa gitna ng silid. Patay ang aircon pero nakabukas ang malalaking bintana at malakas ang ihip ng hangin. Ganoon pa man ay nagbubutil-butil ang pawis ko sa nerbiyos.
“I’m pregnant, Papa,” sabi ko sa kaniya.
“And I married her yesterday,” dagdag ni JP.
Nakita ko ang pagsinghap ni Mama sa sinabi naming dalawa. Papa was tight-lipped at alam kong nagtitimpi lang siya. He is mad. Una, nabuntis ako at kahit pa alam nila kung paano gumawa ng bata—hindi ako kasal. Makaluma si Papa.
