CLAIRE
MASAYA KAMING NAGSALO sa pananghalian ni Chrissa at ipinakilala ko rin sa kaniya si Lexa. Pinili naming ibaon sa limot ang nakaraan at magsimulang muli. She was looking for a job to help Samuel with their expenses at inalok ko siya ng trabaho sa jewelry shop na itatayo namin ni Angela.
When I told Angela about it, she was undecided. She knew about Chrissa and me. Pero noong sinabi ko sa kaniya ang sitwasyon, naunawaan niya at maging siya ay piniling bigyan ng pagkakataon ang pinsan ko na patunayan ang sarili.
Malapit na ang kabuwanan ni Chrissa at namimili kami ngayon sa mall. Kasama ko si Yaya Mendy at tulak ko ang stroller ni Lexa. Nakatulog na ang anak ko at hindi alintana ang ingay sa mall.
“May mga gamit ka na ba ni baby?” tanong ko kay Chrissa.
“May ilang damit na ako
