AVA
“Halika na.” Pag-aaya ko sa kanyang umalis na kami sa boutique. Nangunot ang noo niya sa sinabi ko. Tiningnan niya ang kamay ko.
“Wala ka pang napili?” Tanong niya. Umiling ako.
“Sa iba na lang tayo bumili. Wala akong nagustuhan sa mga design nila rito,” sabi ko na lang para hindi obvious na hindi ako komportable sa mga tao rito. Ayokong sabihin sa kanya ang narinig ko at baka magalit si Jaxson magkagulo pa rito.
“Okay.” Pagpayag niya na kinahinga ko nang maluwag. Lumabas kami sa boutique. Napalingon ako sa dalawang sales lady na masama ang tingin. Ano naman ang ginawa ko sa kanila? Kung makatingin akala mo nakagawa ako ng masama sa kanila.
“Huwag na kaya tayo bumili ng damit ko? Ayos na sa akin ang suot kong damit. Wala naman masama kung luma ang damit ko, maayos pa namang su
